പ്ലസ് വൺ പ്രവേശനത്തിനുള്ള മൂന്നാമത്തെ സപ്ലിമെന്ററി അലോട്മെന്റ് വിജ്ഞാപനം ഇന്ന്

തിരുവനന്തപുരം : ഈ വർഷത്തെ പ്ലസ് വൺ പ്രവേശനത്തിനുള്ള മൂന്നാമത്തെ സപ്ലിമെന്ററി അലോട്മെന്റ് വിജ്ഞാപനം ഇന്ന് പ്രസിദ്ധീകരിക്കും. രണ്ടാം സപ്ലിമെന്ററി അലോട്ട്മെന്റ് ലിസ്റ്റ് പ്രകാരമുള്ള പ്രവേശനം ചൊവ്വാഴ്ച അവസാനിച്ചിരുന്നു. രണ്ടാം സപ്ലിമെന്ററി അലോട്ട്മെന്റിന് ശേഷവും ആയിരക്കണക്കിന് വിദ്യാർഥികൾ പ്രവേശനം ലഭിക്കാതെ പുറത്ത് നിൽക്കുന്നുണ്ട്. ഈ സാഹചര്യത്തിലാണ് മൂന്നാം അലോട്ട്മെന്റ് വരുന്നത്. വിവിധ ജില്ലകളിൽ സീറ്റുകളും ബാച്ചുകളും വർധിപ്പിക്കുന്നതുമായി ബന്ധപ്പെട്ട്  മന്ത്രിസഭാ യോഗം തീരുമാനം  കൈക്കൊണ്ടു. ഇതിന്റെ തുടർ നടപടിയായാണ്  മൂന്നാം അലോട്ട്മെന്റിനുള്ള വിജ്ഞാപനം പുറത്തു വരിക.