കൂത്തുപറമ്പിൽ ഭർതൃമതി കാമുകനൊപ്പം രണ്ടാമതും ഒളിച്ചോടി, ഭർത്താവും സുഹൃത്തുക്കളും യുവാവിന്റെ വീട് അടിച്ചു തകർത്തു

കൂത്തുപറമ്പ്: ഭർതൃമതിയായ യുവതി ഭർത്താവിനെ ഉപേക്ഷിച്ച് കാമുകനൊപ്പം രണ്ടാം തവണയും ഒളിച്ചോടി. വിവരമറിഞ്ഞ ഭർത്താവും സംഘവും കാമുകന്റെ വീട് വളഞ്ഞ് അടിച്ചു തകർത്തു.

ഇന്നലെ വൈകുന്നേരം കൂത്തുപറമ്പ് സ്റ്റേഷൻ പരിധിയിലെ ആമ്പിലാടാണ് സംഭവം. ഒരാഴ്ച മുമ്പാണ് ആമ്പിലാട് സ്വദേശി പ്രജിത്ത് കുമാറിന്റെ ഭാര്യ ബിന്ദു കാമുകനായ ആമ്പിലാട് വെച്ചിയോട്ടെ ഷിനുവിനൊപ്പം നാടുവിട്ടത്.

ഇരുവരും കഴിഞ്ഞ ദിവസം നാട്ടിൽ തിരിച്ചെത്തി ഒരുമിച്ച് താമസിക്കുന്നുണ്ടെന്ന വിവരത്തെ തുടർന്ന് യുവതിയുടെ ഭർത്താവ് പ്രജിത്ത് കുമാറി ന്റെ നേതൃത്വത്തിൽ ഒരു സംഘം ഷിനുവിന്റെ വീട്ടിലെത്തുകയും വീടിന്റെ ജനൽ ഗ്ലാസുകൾ അടിച്ചു തകർക്കുകയും വീട്ടു മുറ്റത്ത് നിർത്തിയിട്ട് ബൈക്കും സ്കൂട്ടിയും തല്ലിപൊളിക്കുകയും

ചെയ്യുകയായിരുന്നു. ഇരുവരും ആദ്യ തവണ ഒളിച്ചോടിയതിന് പോലീസ് കേസെടുത്തിരുന്നു.

പ്രായപൂർത്തിയാകാത്ത കുട്ടികളെ ഉപേക്ഷിച്ചതിന് ജുവനൈൽ ജസ്റ്റിസ് ആക്ട് പ്രകാരം പോലീസ് ഇവർക്കെതിരെ കേസെടുത്ത്, റിമാൻഡും ചെയ്തിരുന്നു. വീട് തല്ലിതകർത്ത സംഭവത്തിൽ കൂത്തുപറമ്പ് പോലീസ് കേസെടുത്തിടുമുണ്ട്.