പ്ലാസ്‌റ്റിക്‌ മാലിന്യമിടാൻ കുട്ടികൾക്കായി കുട്ടിക്കൊട്ടകൾ

ഓഫറുകൾ അറിയാൻ ക്ലിക്ക് ചെയ്യൂ

ഞങ്ങളുടെ കസ്റ്റമർ കെയറുമായി ബന്ധപ്പെടൂ - Click on the photo


പെരളശേരി : പാഴ് വസ്തുക്കൾ ശേഖരിക്കാൻ സ്ഥാപിച്ചതാണെങ്കിലും കാണുമ്പോൾ ഓമനത്തം തോന്നും ഈ കുട്ടിക്കൊട്ടകൾ. വലിപ്പത്തിലും രൂപത്തിലും തനി കുട്ടി തന്നെ. പെരളശേരി പഞ്ചായത്തിലെ എട്ടാം വാർഡിലാണ് സ്കൂൾ കുട്ടികൾക്കായി കുട്ടിക്കൊട്ടകൾ സ്ഥാപിച്ചത്. ശുചീകരണ യജ്ഞത്തിന്റെ ഭാഗമായി സി.പി.എം നേതൃത്വത്തിൽ വാർഡിൽ ശുചീകരണം നടന്നിരുന്നു. പാതയോരങ്ങളാകെ ശുചീകരിച്ചതുമാണ്. സ്കൂൾ തുറന്നതിന് ശേഷം വഴിയോരങ്ങളിൽ മിഠായി, ഐസ് ഉൾപ്പെടെയുള്ളവയുടെ കവറുകൾ വ്യാപകമായി. നിക്ഷേപിക്കാൻ പ്രത്യേക സ്ഥലമില്ലാത്തതിനാൽ വഴിയരികിൽ കുട്ടികൾ കവറുകൾ വലിച്ചെറിയാൻ തുടങ്ങി. ഇത് പരിഹരിക്കാൻ വാർഡംഗവും പെരളശേരി പഞ്ചായത്ത് വൈസ് പ്രസിഡന്റുമായ വി. പ്രശാന്തിന്റെ ആശയത്തിലാണ് കുട്ടിക്കൊട്ടകൾ പിറവിയെടുത്തത്.

പെയിന്റ് പാട്ട, വാഹനങ്ങളുടെ വീൽ, കപ്പ് ഉൾപ്പെടെയുള്ള പാഴ് വസ്തുക്കൾ ഉപയോഗിച്ചാണ് കുട്ടിക്കൊട്ടകൾ നിർമിച്ചത്. സുനിൽകുമാറാണ്‌ ശില്പി. വാർഡിലെ വിവിധ കേന്ദ്രങ്ങളിൽ പത്ത്‌ കൊട്ടകൾ സ്ഥാപിച്ചു. രണ്ട് ദിവസംകൊണ്ട് നിരവധി കവറുകൾ നിറഞ്ഞു. വ്യാപാര സ്ഥാപനങ്ങൾ കേന്ദ്രീകരിച്ച് ബോധവൽക്കരണവും നടക്കുന്നുണ്ട്. കുട്ടികളും കുട്ടിക്കൊട്ടകൾ ഉപയോഗിക്കുന്നതിൽ സന്തോഷത്തിലാണ്‌. ഈ വിജയമാതൃക പഞ്ചായത്തിലാകെ നടപ്പാക്കാൻ തയ്യാറെടുക്കുകയാണ് പെരളശേരി പഞ്ചായത്ത്.

Post a Comment

താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു

Previous Post Next Post
 കണ്ണൂരാൻ വാർത്ത | Kannooraan Vartha
 കണ്ണൂരാൻ വാർത്ത | Kannooraan Vartha