മാലിന്യമുക്ത നവകേരളം പദ്ധതിയുടെ ഭാഗമായി തെരഞ്ഞെടുത്ത എരമം-കുറ്റൂർ ഗ്രാമപഞ്ചായത്തിനെ വലിച്ചെറിയൽ മുക്ത, മാലിന്യമുക്ത പഞ്ചായത്തായി മാറ്റുന്നതിന്റെ പഞ്ചായത്ത് തല പ്രഖ്യാപനം മാതമംഗലം പഞ്ചായത്ത് പരിസരത്ത് നടന്നു.
കേരള നോളജ് എക്കണോമി മിഷൻ ഡയറക്ടർ പി.എസ്. ശ്രീകല മാലിന്യമുക്ത പഞ്ചായത്ത് പ്രഖ്യാപനം നടത്തി. വലിച്ചെറിയൽ സംസ്കാരം നാളെയുടെ വിപത്താണ്. സുസ്ഥിരമായ ആരോഗ്യ സംരക്ഷണത്തിന് ജീവിത ശൈലീ രോഗങ്ങളെയും പകർച്ച വ്യാധികളെയും ചെറുക്കണം. അതിനായി മാലിന്യമുക്ത പരിസരം സൃഷ്ടിക്കാൻ ഓരോരുത്തരും തയാറാവണമെന്നു ശ്രീകല പറഞ്ഞു. പഞ്ചായത്ത് പ്രസിഡന്റ് ടി.ആർ. രാമചന്ദ്രൻ അധ്യക്ഷത വഹിച്ചു.
ആരോഗ്യ-വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ എം.കെ. കരുണാകരൻ റിപ്പോർട്ട് അവതിപ്പിച്ചു. പഞ്ചായത്ത് വൈസ് പ്രസിഡന്റ് ഷൈനി ബിജേഷ്, ബ്ലോക്ക് ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ കെ.പി. രമേശൻ, പഞ്ചായത്ത് സ്റ്റാൻഡിംഗ് കമ്മിറ്റി അധ്യക്ഷരായ ടി.കെ. രാജൻ, കെ. സരിത, എ.കെ. വേണുഗോപാൽ, കെ.ടി. ജയപ്രകാശ്, അരുൺലാൽ, പി.വി. ശാരദ, ബേബി ജിഷ എന്നിവർ സംസാരിച്ചു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു