കാട്ടുപന്നിയുടെ ആക്രമണത്തിൽ വീട്ടമ്മക്ക് പരിക്ക്

 ശ്രീകണ്ഠാപുരത്ത് കാട്ടുപന്നിയുടെ ആക്രമണത്തിൽ വീട്ടമ്മക്ക് പരിക്ക്. പന്നിയാൽ സ്വദേശി ലില്ലിക്കുട്ടിക്കാണ് പരിക്കേറ്റത്. ഇവരെ തളിപ്പറമ്പിലെ സ്വകാര്യ ആശുപത്രിയിൽ പ്രവേശിപ്പിച്ചു. വീടിന് സമീപത്തെ റബ്ബർ തോട്ടത്തിൽ ആടിനെ തീറ്റാൻ പോയ സമയത്താണ് കാട്ടു പന്നി ആക്രമിച്ചത്. പരിക്ക് ഗുരുതരമല്ലെന്നാണ് റിപ്പോർട്ട്. പ്രദേശത്ത് ഇടയ്‌ക്കിടെ കാട്ടുപന്നി ആക്രമണം ഉണ്ടാകാറുണ്ട്.

പ്രദേശത്തെ കാട്ടുപന്നി ആക്രമണത്തിന് എത്രയും വേഗം അധികൃതർ പരിഹാരം കാണണം എന്ന് പരിസരവാസികൾ.