ആലക്കോട്: ഈസ്റ്റർ - വിഷു ആഘോഷങ്ങൾക്ക് മുന്നോടിയായി ആലക്കോട് എക്സൈസ് മൂരിക്കടവ് ഭാഗങ്ങളിൽ നടത്തിയ റെയ്ഡിൽ വാറ്റ് കേന്ദ്രം തകർത്തു. ആലക്കോട് എക്സൈസ് റേഞ്ച് ഓഫീസിലെ എക്സൈസ് ഇൻസ്പെക്ടർ സി. ഷാബുവിന്റെ നേതൃത്വത്തിൽ മുട്ടത്താംവയൽ തോട്ടുചാലിൻ നടത്തിയ റെയ്ഡിലാണ് വാറ്റ് കേന്ദ്രം തകർത്തത്.
ഇവിടെ നിന്നും ചാരായം വാറ്റാൻ പാകപ്പെടുത്തിയ 200 ലിറ്റർ വാഷ് കണ്ടെത്തി നശിപ്പിച്ചു. സംഭവത്തിൽ എക്സൈസ് കേസെടുത്തു. പ്രതിയെക്കുറിച്ച് അന്വേഷിച്ചു വരുന്നതായി എക്സൈസ് അധികൃതർ അറിയിച്ചു.
അന്വേഷണ സംഘത്തിൽ പ്രിവന്റീവ് ഓഫീസർ പ്രകാശൻ ആലക്കൽ, പ്രിവന്റീവ് ഓഫീസർ ഗ്രേഡ് ടി.ആർ. രാജേഷ്, സിവിൽ എക്സൈസ് ഓഫീസർമാരായ ടി.വി. മധു, പി.കെ. രാജീവ്, പി. പെൻസ് എന്നിവരും ഉണ്ടായിരുന്നു.
വ്യാജമദ്യത്തെക്കുറിച്ചുളള വിവരങ്ങൾ 0460 2256797, 790701 7151 എന്നീ നമ്പരുകളിൽ അറിയിക്കുക.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു