കണ്ണൂർ: യുവതയുടെ പുത്തൻ ആശയങ്ങൾക്ക് ചിറകു നൽകി എന്റെ കേരളം മെഗാ എക്സിബിഷൻ. യുവതയുടെ കേരളം എന്ന ആശയത്തിലൂന്നി വിദ്യാഭ്യാസം, സാങ്കേതികവിദ്യ, നൈപുണ്യവികസനം എന്നിവയ്ക്ക് പ്രാധാന്യം നൽകുന്ന സ്റ്റാളുകളാണ് എക്സിബിഷനിലെ തിരക്കേറുന്ന ഇടം. കെ ഡിസ്ക്, കെയ്സ്, ഒഡെപെക്, ഐടിഐ, അസാപ് ,വിദ്യാഭ്യാസ വകുപ്പ്, നോളജ് ഇക്കോണമി തുടങ്ങിയ സ്റ്റാളുകൾ ശ്രദ്ധേയമാവുകയാണ്.
കെ ഡിസ്കിന്റെ പ്രധാന പദ്ധതിയായ യംഗ് ഇന്നവേറ്റേഴ്സ് പ്രോഗ്രാമിലൂടെ കോളജ് വിദ്യാർഥി കൾക്ക് വിവിധ പ്രോജക്ടുകൾ തയാറാക്കാം. പൊതുമേഖലയിലെ ആദ്യ റിക്രൂട്ടിംഗ് ഏജൻസിയായ ഒഡെപെക്കിന്റെ സ്റ്റാളിൽ തൊഴിലിനും അഭിരുചിക്കും മുൻതൂക്കം നൽകിയുള്ള സെഷനുകളാണ് ഉള്ളത്. റിക്രൂട്മെന്റ് സർവീസ്, ട്രെയിനിംഗ് സർവീസ് ട്രാവൽ സർവീസ്, നാഷണൽ ഇന്റർനാഷണൽ ടൂർ പാക്കേജ്, വിദേശത്തുള്ള പഠനം, സ്കോളർഷിപ്പ് സ്കീമുകൾ എന്നിവയെ നേരിട്ടറിയാം.
അഭിരുചിക്കനുസരിച്ച് തൊഴിലവസരങ്ങൾ ലഭ്യമാക്കുന്ന സ്കിൽ രജിസ്ട്രി ആപ് പരിചയപ്പെടു ത്തുകയാണ് സംസ്ഥാന നൈപുണ്യ വികസന മിഷൻ ഒരുക്കിയ സ്റ്റാളിൽ.
തൊഴിലധിഷ്ഠിത വിദ്യാഭ്യാസത്തിന് പ്രാധാന്യം നൽകുന്ന എൻടിടിഎഫ് സ്റ്റാളിൽ ഓട്ടോമാറ്റിക് വിസിറ്റിംഗ് കാർഡ് ഡിസൈനിംഗ് മെഷിൻ, പെയിന്റിംഗ് റോബോട്ട്, ഓട്ടോമാറ്റിക് ഡ്രോയിംഗ് മെഷീൻ തുടങ്ങി വിദ്യാർഥികൾ നിർമിച്ച പ്രോജക്ട് മോഡലുകൾ, വർക്കിംഗ് മോഡലുകൾ എന്നിവ ഒരുക്കിയിട്ടുണ്ട്.
കണ്ണൂർ സർവകലാശാല സ്റ്റാളിൽ വിവിധ പഠനവിഭാഗങ്ങളിലേക്കും സെന്ററുകളിലേക്കും നടക്കുന്ന അഡ്മിഷൻ സംബന്ധിച്ച വിവരങ്ങളും പ്രവേശന പരീക്ഷയ്ക്കായുള്ള ഓൺലൈൻ രജിസ്ട്രേഷനും സാങ്കേതിക സൗകര്യങ്ങളും ഉണ്ട്. കൂടാതെ സർവകലാശാല ബിസിനസ് ഇൻക്യുബേഷൻ സെന്ററിൽ രജിസ്റ്റർ ചെയ്ത് വിജയകരമായി പോകുന്ന കമ്പനികളുടെ സ്റ്റാർട്ടപ്പുകളെ പരിചയപ്പെടുത്തുന്ന സെഷനും ഒരുക്കിയിട്ടുണ്ട്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു