എ.എസ്.ഐ ഗോപിനാഥൻ (50), പൊലീസ് വാഹനത്തിന്റെ ഡ്രൈവർ ശരത് (36), ഹോം ഗാർഡ് ബാലകൃഷ്ണൻ (56) എന്നിവർക്കാണ് പരിക്കേറ്റത്. ഇവർ പഴയങ്ങാടി താലൂക്ക് ആശുപത്രിയിൽ ചികിത്സ തേടി. ലോറിയുടെ ഇടിയുടെ ആഘാതത്തിലാണ് ഇവർക്ക് പരിക്കേറ്റത്. ലോറിയിടിപ്പിച്ച് പൊലീസ് വാഹനത്തിന്റെ മുൻഭാഗം തകർന്നിട്ടുണ്ട്.
തിങ്കളാഴ്ച പുലർച്ച നാലോടെ പഴയങ്ങാടി ബസ് സ്റ്റാൻഡിനടുത്തുവെച്ചാണ് പൊലീസ് വാഹനത്തിനു നേരെ ആക്രമണം നടന്നത്. പൊലീസ് വാഹനം കണ്ട സംഘം രക്ഷപ്പെടുന്നതിനായി ഈ വാഹനത്തിലിടിക്കാൻ ശ്രമിച്ചെങ്കിലും പരാജയപ്പെട്ടു. എന്നാൽ, ലോറി പിറകോട്ടെടുത്ത് പൊലീസ് വാഹനത്തിലിടിച്ച് രക്ഷപ്പെടുകയായിരുന്നു.
ആക്രമണം നടത്തിയ വാഹനത്തെയും അക്രമികളെയും കുറിച്ച് വ്യക്തമായ സൂചന ലഭിച്ചതായും ഇവർക്ക് വേണ്ടിയുള്ള അന്വേഷണം ഊർജിതമാക്കിയതായും പഴയങ്ങാടി സ്റ്റേഷൻ ഓഫിസർ ടി.എൻ. സന്തോഷ് കുമാർ പറഞ്ഞു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു