കാളയുടെ കുത്തേറ്റ് ഗൃഹനാഥൻ മരിച്ചു

വളർത്തു കാളയുടെ കുത്തേറ്റ് ​ഗൃഹനാഥൻ മരിച്ചു. വാഴൂർ കന്നുകുഴി ആലുംമൂട്ടിൽ റെജി ജോർജ് (56) ആണ് മരിച്ചത്.

വെള്ളിയാഴച രാവിലെ 11.30 നാണ് സംഭവം. പറമ്പില്‍ മാറ്റി കെട്ടുന്നതിനിടയില്‍ റെജിയെ കാള കുത്തുകയായിരുന്നു. റെജിയുടെ നെഞ്ചിലും വയറ്റിലും ഗുരുതരമായി മുറിവേറ്റു. ശബ്ദം കേട്ട് ഓടിയെത്തിയ ഭാര്യ ഡാർലിക്കും പരിക്കേറ്റു. കാലിന് ഗുരുതരമായി പരിക്കേറ്റ ഡാർലിയെ പാലായിലെ സ്വകാര്യ ആശുപത്രിയിൽ പ്രവേശിപ്പിച്ചു.

വർഷങ്ങളായി കാളയെ വളർത്തി ഉപജീവനം നടത്തുന്നയാളായിരുന്നു മരിച്ച റെജി.