ഏലത്തൂർ ട്രെയിൻ അപകടം :- ട്രെയിൻ വേഗത കുറയുന്നതിനു മുന്നേ ട്രാക്കിലേക്ക് ചാടി, മരണപെട്ടത് മട്ടന്നൂർ സ്വദേശികളയായ മൂന്ന് പേർ. ഉമ്മയെ കാണാൻ ഇനി സഹറയില്ല

ട്രെയിൻ ബോഗിയിൽ പടർന്ന് പിടിച്ച തീ, പ്രാണരക്ഷാർത്ഥം പുറത്തേക്ക് ചാടി; മൂന്ന് പേർക്കും തലയിടിച്ച് ദാരുണ മരണം:- മരണപെട്ടത് മട്ടന്നൂർ പാലോട്ട് പള്ളി, കോടോളിപ്രം സ്വദേശികൾ 

ആലപ്പുഴ- കണ്ണൂർ എക്സിക്ക്യൂട്ടീവ് ട്രെയിനിലുണ്ടായ തീവെപ്പിൽ നിന്ന് രക്ഷപ്പെടാൻ പുറത്തേക്ക് ചാടിയ മൂന്ന് പേർക്ക് ദാരുണാന്ത്യം. മട്ടന്നൂർ സ്വദേശി റഹ്മത്ത് സഹോദരീ പുത്രി ചാലിയം സ്വദേശി ശുഹൈബ് സഖാഫിയുടെ മകൾ രണ്ട് വയസുകാരി സഹറ, മട്ടന്നൂർ സ്വദേശി നൗഫിക് നൗഫിക്ക് എന്നിവരാണ് മരിച്ചത്.

തലയടിച്ച് വീണാണ് മരണം. ട്രെയിൻ വേഗത കുറക്കുന്നതിന് മുമ്പ് പുറത്തേക്ക് ചാടിയതാണ് മരണത്തിലേക്ക് നയിച്ചത്. റെയിൽവേ ട്രാക്കിലാണ് മൃതദേഹങ്ങൾ കണ്ടെത്തിയത്. മൃതദേഹം കോഴിക്കോട് മെഡിക്കൽ കോളേജിൽ സൂക്ഷിച്ചിരിക്കുകയാണ്. രണ്ട് വയസുകാരി സഹറയുടെ ഉമ്മ കോഴിക്കോട്ട് പഠിക്കുകയാണ്. ഇവിടെ നിന്നും കുഞ്ഞുമായി മടങ്ങുകയായിരുന്നു റഹ്മത്ത്.

സഹറയുടെ പിതാവ് ഉംറ തീർത്ഥാടനത്തിൽ ആയിരുന്നു ഇന്ന് വൈകിട്ട് നാട്ടിൽ തിരിച്ചെത്തുമെന്ന് ബന്ധുക്കൾ അറിയിച്ചു.