പിഴവുകൾ പരിഹരിക്കാൻ കേന്ദ്ര ഏജൻസിയായ നാഷനൽ ഇൻഫർമാറ്റിക്സ് സെന്ററിന്റെ ഹൈദരാബാദ് യൂണിറ്റ് ഇന്നലെ നടത്തിയ ശ്രമം പരാജയപ്പെട്ടു. മന്ത്രി ജി.ആർ. അനിലിന്റെ അധ്യക്ഷതയിൽ ചേർന്ന ഉന്നതതല യോഗത്തിൽ എൻ.ഐ.സി കൂടുതൽ സമയം തേടിയതോടെയാണ് കടകൾ അടച്ചത്.
കഴിഞ്ഞ 3 ദിവസങ്ങളിലായി കേരളത്തിലെ റേഷൻ കടകൾ 2 മണിക്കൂർ വീതമേ പ്രവർത്തിച്ചിട്ടുള്ളൂ. ആകെ റേഷൻ വാങ്ങിയവർ 3 ലക്ഷത്തിൽ താഴെ മാത്രം. 93.53 ലക്ഷം കാർഡ് ഉടമകളിൽ 43.34 ലക്ഷം പേർ (46.34%) ഏപ്രിലിലെ റേഷൻ വാങ്ങാനുണ്ട്. മറ്റന്നാൾ മുതൽ 3 ദിവസത്തെ ഭാഗിക പ്രവർത്തനത്തിനുശേഷം മേയ് 4 മുതലാകും സാധാരണ സമയക്രമത്തിൽ കടകൾ പ്രവർത്തിക്കുക. മേയ് 5 വരെ ഏപ്രിലിലെ റേഷൻ വാങ്ങാം. മേയിലെ വിതരണം ആറിനു തുടങ്ങും.
മൂന്നു ദിവസം ഭാഗ‌ികമായി തുറക്കും
മറ്റന്നാളും മേയ് 2, 3 തീയതികളിലുമുള്ള ക്രമീകരണം ഇങ്ങനെ:
∙ രാവിലെ 8.00– ഉച്ചയ്ക്ക് 1.00: വയനാട്, മലപ്പുറം, പാലക്കാട്, തൃശൂർ, ആലപ്പുഴ, പത്തനംതിട്ട, കൊല്ലം ജില്ലകൾ
∙ ഉച്ചയ്ക്ക് 2.00– വൈകിട്ട് 7.00: കാസർകോട്, കണ്ണൂർ, കോഴിക്കോട്, എറണാകുളം, കോട്ടയം, ഇടുക്കി, തിരുവനന്തപുരം
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു