കണ്ണൂർ : ഗുണമേന്മയുള്ള റോഡുകള്‍ സുരക്ഷിത യാത്ര എന്ന ലക്ഷ്യത്തോടെ പൊതുമരാമത്തു വകുപ്പ് നടപ്പിലാക്കുന്ന റോഡ് നവീകരണം പ്രവൃത്തികള്‍ അന്തിമ ഘട്ടത്തിലേക്ക്,കഴിഞ്ഞ രണ്ട് വര്‍ഷത്തിനുള്ളില്‍ ജില്ലയിലെ പൊതുമരാമത്ത് റോഡുകളുടെ നവീകരണവും പുനരുദ്ധാരണവും നഗര സൗന്ദര്യവല്‍ക്കരണ പ്രവൃത്തികളും മികച്ച നിലവാരത്തിലാണ് നടന്നു വരുന്നത്.
ഇക്കഴിഞ്ഞ രണ്ട് വര്‍ഷത്തിനകം 264.75 കോടി രൂപ ചെലവില്‍ 353.232 കിലോമീറ്റര്‍ റോഡുകള്‍ നവീകരിച്ചു.
147.43 കോടി രൂപ ചെലവില്‍ 117.437 കിലോമീറ്റര്‍ റോഡ് നവീകരിച്ചു. നബാര്‍ഡില്‍ ഉള്‍പ്പെടുത്തി 35.53 കോടി രൂപ ചെലവില്‍ 27.84 കി മീ റോഡും നവീകരിച്ചു. പ്രളയത്തില്‍ തകര്‍ന്ന 20.62 കിലോമീറ്റര്‍ റോഡുകള്‍ 26.20 കോടി രൂപ ചെലവിട്ട് നവീകരിച്ചു. ഇതിനു പുറമെ 78.303 കിലോമീറ്റര്‍ റോഡ് നവീകരണത്തിനായി 43.9 കോടി രൂപയുടെ പ്രവൃത്തികളും പൂര്‍ത്തിയാക്കി. നോണ്‍ പ്ലാന്‍ ഫണ്ടുകള്‍ ഉപയോഗിച്ച്‌ 11.69 കോടി രൂപ ചെലവില്‍ 9.86 കി മി റോഡും മെച്ചപ്പെടുത്തി. 2025 കിലോമീറ്റര്‍ പൊതുമരാമത്ത് റോഡാണ് ജില്ലയിലുള്ളത്.
പൊതു ഇടങ്ങളുടെ നവീകരണ പ്രവൃത്തികള്‍ മികച്ച രീതിയില്‍ നടപ്പാക്കിയതും ശ്രദ്ധേയമാണ്. 17.50 കോടി രൂപ ചെലവിട്ട് ജില്ലയിലെ 16 ചെറുപട്ടണങ്ങളില്‍ സൗന്ദര്യവല്‍ക്കരണം നടത്തി. ഒമ്പത് പട്ടണങ്ങളിൽ ഇപ്പോഴും പ്രവൃത്തി നടക്കുന്നു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു