വായനശാലകൾ കേന്ദ്രീകരിച്ച് വിവിധ പ്രവർത്തനങ്ങളാണ് അവധിക്കാലത്ത് നടത്തുന്നത്. സംഘടനകളും ക്ലബ്ബുകളുമെല്ലാം അവധിക്കാലത്ത് വൈവിധ്യമാർന്ന പരിശീലന പരിപാടികളാണ് വിദ്യാർഥികൾക്കായി ഒരുക്കിയിരിക്കുന്നത്.
കംപ്യൂട്ടർ കോഴ്‌സുകൾ : കണ്ണൂർ സി-ഡിറ്റിൽ സ്‌കൂൾ വിദ്യാർഥികൾക്കായി അവധിക്കാല കംപ്യൂട്ടർ കോഴ്‌സുകൾ തുടങ്ങുന്നു. പങ്കെടുക്കുന്നവർ സി-ഡിറ്റ് കംപ്യൂട്ടർ പഠനകേന്ദ്രം, ചൊവ്വ ശിവക്ഷേത്രത്തിന് എതിർവശം, മേലെചൊവ്വ എന്ന വിലാസത്തിൽ ബന്ധപ്പെടണം. ഫോൺ: 9947763222.
നാടൻകളി ക്യാമ്പ് : പയ്യന്നൂർ കൊക്കാനിശ്ശേരി ബ്രദേഴ്‌സ് ക്ലബിന്റെ നേതൃത്വത്തിൽ ഏപ്രിൽ 30, മേയ് ഒന്ന് തീയതികളിൽ പയ്യന്നൂർ ആനന്ദതീർഥ കമ്യൂണിറ്റി ഹാൾ പരിസരത്ത് കുട്ടികൾക്കായി ഓലപ്പീപ്പി നാടൻകളി പഠന ക്യാമ്പ് നടക്കും. 10-15 വയസ്സിനിടയിലുള്ള കുട്ടികൾക്കാണ് പ്രവേശനം. ക്യാമ്പിന്റെ ഭാഗമായി നാടൻകളി പരിശീലനം, വിവിധ പഠന ക്ലാസുകൾ, ഓല കളിപ്പാട്ട നിർമാണ പരിശീലനം, പേപ്പർ പാവ നിർമാണം, അഹിംസാ കളിപ്പാട്ട നിർമാണം, കളിക്കൂട്ടം, കൊട്ടും പാട്ടും എന്നിവ നടക്കും. ഫോൺ: 9447953232.
സംഗീത ക്ലാസ് : മാതമംഗലം രാഗലയം കലാക്ഷേത്ര അവധിക്കാല സൗജന്യ ലളിതസംഗീത ക്ലാസ് നടത്തുന്നു. ഏപ്രിൽ അഞ്ചിന് തുടങ്ങും. കുട്ടികൾക്കും മുതിർന്നവർക്കും പങ്കെടുക്കാം. സംഗീതസംവിധായകൻ രമേശൻ പെരുന്തട്ടയുടെ ശിക്ഷണം നൽകും. രജിസ്റ്റർ ചെയ്യണം. ഫോൺ: 9562929489
കരിയർ ഗൈഡൻസ് :അഴീക്കോട് ശിവയോഗി വിലാസം വായനശാല എട്ടുമുതൽ വിദ്യാർഥികൾക്ക് കരിയർ ഗൈഡൻസ് ക്ലാസ് നടത്തും.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു