ഹിദായത്തുൽ ജുമാ മസ്ജിദ് ഉദ്ഘാടനം ഇന്ന്

പെരിങ്ങത്തൂർ : മേക്കുന്ന് മത്തിപ്പറമ്പിലെ നവീകരണം പൂർത്തിയായ ഹിദായത്തുൽ ജുമാമസ്ജിദ് ഉദ്ഘാടനം വ്യാഴാഴ്ച പാണക്കാട് സാദിഖലി ശിഹാബ് തങ്ങൾ നിർവഹിക്കും. ജിഫ്രി മുത്തുക്കോയ തങ്ങൾ, സയ്യിദലി ബാഫക്കി, എം.ടി.അബ്ദുള്ള മുസല്യാർ, കോയോട് ഉമർ മുസല്യാർ എന്നിവർ പങ്കെടുക്കും. വെള്ളിയാഴ്ച നടക്കുന്ന സാംസ്കാരിക സമ്മേളനത്തിൽ സ്വാമി ഗുരുരത്നം ജ്ഞാനതപസ്വി പ്രഭാഷണം നടത്തും. കെ.പി.മോഹനൻ എം.എൽ.എ, ഫാ. ജോജി എന്നിവരും പങ്കെടുക്കും. തുടർന്ന് വനിതാസമ്മേളനമുണ്ടാകും.