ബസ് സ്റ്റാൻഡിന്റെ ഒരു ഭാഗത്ത് പഞ്ചായത്ത് പേ പാർക്കിങ് സൗകര്യം ഒരുക്കിയിട്ടുണ്ടെങ്കിലും പാർക്കിങ് ഫീസ് നൽകാൻ മടിച്ച് ചിലർ സമീപത്ത് സംസ്ഥാന പാതയോരത്ത് തന്നെ വാഹനങ്ങൾ നിർത്തിയിടുകയാണ്. ഇത് കാരണം ബസ്സുകൾക്ക് ബസ് സ്റ്റാൻഡിലേക്ക് കയറാൻ പോലും കഴിയാത്ത അവസ്ഥയാണ്. സീബ്രാലൈനിൽ പോലും വാഹനങ്ങൾ നിർത്തിയിടുന്നത് കാരണം റോഡ് മുറിച്ചുകടക്കാൻ കാൽനടയാത്രികരും പ്രയാസപ്പെടുകയാണ്. അനധികൃത പാർക്കിങ്ങിനെതിരെ പൊലീസ് കൃത്യമായ നടപടി സ്വീകരിക്കാത്തതാണ് ഗതാഗതക്കുരുക്ക് രൂക്ഷമാകാൻ കാരണമെന്നാണ് നാട്ടുകാരുടെ പരാതി.
ഇരിട്ടിയിൽ നിന്ന് പരിയാരത്തെ കണ്ണൂർ ഗവ. മെഡിക്കൽ കോളജിലേക്ക് രോഗിയെയും കൊണ്ടുപോവുകയായിരുന്ന ആംബുലൻസ് കഴിഞ്ഞ ദിവസം 5 മിനിറ്റ് നേരമാണ് ഗതാഗതക്കുരുക്കിൽ കിടന്നത്. ടൗണിൽ ഹോം ഗാർഡിനെ നിയമിച്ച്, അനധികൃതമായി പാർക്ക് ചെയ്യുന്ന വാഹനങ്ങൾക്ക് പിഴ ചുമത്തണം എന്നാണ് ജനങ്ങളുടെ ആവശ്യം.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു