പാനൂർ: കൂരാറ പോതിയുള്ളതിൽ ശ്രീപോർക്കലി ഭഗവതി ക്ഷേത്രം പ്രതിഷ്ഠാദിന മഹോത്സവവും ശ്രീമദ് ദേവിഭാഗവത നവാഹയജ്ഞവും 25 മുതൽ ഏപ്രിൽ 4 വരെ നടക്കും. തെക്കിനിയേടത്ത് തരണനെല്ലൂർ പത്മനാഭൻ ഉണ്ണി നമ്പൂതിരിപ്പാട് മുഖ്യകാർമ്മികത്വം വഹിക്കുമെന്നും പ്രൊഫ. ഹരീഷ് ചന്ദ്രശേഖർ ജ്ഞാചാര്യനായിരിക്കുമെന്നും ക്ഷേത്രം ഭാരവാഹികൾ അറിയിച്ചു. 25 ന് വൈകുന്നേരം 4 ന് കലവറ നിറക്കൽ ഘോഷയാത്ര കടേപ്രം തെരു ഗണപതി ക്ഷേത്രത്തിൽ നിന്നാരംഭിക്കും. 6 മണി ദീപാരാധന ചുറ്റുവിളക്ക് 7.30 ന് ഭാഗവത പാരായണവും പ്രഭാഷണവും.
26 ന് കാലത്ത് 6 മണിഗണപതി ഹോമം, 7 മുതൽ ഭാഗവത പാരായണം.വൈകുന്നേരം 6.30 ദീപാരാധന, പ്രഭാഷണം എല്ലാ ദിവസവും കാലത്ത് 7 മുതൽ ഭാഗവത പാരായണവും, പൂജാദികർമ്മങ്ങളും ഉച്ചക്ക് അന്നദാനവും വൈകുന്നേരം ദീപാരാധനയും, പ്രഭാഷണവും നടക്കും. വാർത്താ സമ്മേളനത്തിൽ ക്ഷേത്രം പ്രസിഡന്റ് സി.ദാമോദരൻ, കെ.വി.രാമൻകുട്ടി, കെ .ടി .ജഗദീഷ്, കെ.ഹരീന്ദ്രൻ എന്നിവർ പങ്കെടുത്തു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു