തളിപ്പറമ്പ്: മാരക മയക്കുമരുന്നായ എം.ഡി.എം.എയുമായി യുവാവ് വീണ്ടും അറസ്റ്റിൽ. കാക്കാത്തോടിലെ സി.കെ. ഹൗസിൽ ഹാഷിമിനെ (26) ആണ് അറസ്റ്റിലായത്.
കുപ്പം മുതുകുട റോഡിൽ ചൊവ്വാഴ്ച വൈകിട്ട് നടത്തിയ പരിശോധനയിൽ മുക്കോണം ബസ് കാത്തിരിപ്പ് കേന്ദ്രത്തിന് സമീപത്തു നിന്നാണ് ഹാഷിം പിടിയിലായത്. തളിപ്പറമ്പ് റേഞ്ച് എക്സൈസ് സംഘം ആണ് യുവാവിനെ വീണ്ടും അറസ്റ്റ് ചെയ്തത്. 430 മില്ലിഗ്രാം എം.ഡി.എം.എ ആണ് ഇയാളിൽ നിന്ന് പിടിച്ചെടുത്തത്.
തളിപ്പറമ്പ്, പേരാവൂർ എക്സൈസിലും പഴയങ്ങാടി പൊലീസിലും നേരത്തേ കഞ്ചാവ്, ലഹരിമരുന്ന് കേസുകളിൽ പ്രതിയായിരുന്നു ഹാഷിം. അറസ്റ്റിലായ പ്രതിയെ കോടതിയിൽ ഹാജരാക്കി.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു