റോഡിൽ വാഹനമിടിച്ചു മരണപെട്ട തെരുവ്നായയെ സംസ്കരിച്ച് യുവാക്കൾ

ചക്കരക്കൽ :-  റോഡിൽ വാഹനമിടിച്ചു മരണപെട്ട തെരുവ്നായയെ സംസ്കരിച്ച്  യുവാക്കൾ

തെരുവ് നായയെ വെറുപ്പോടെ കണ്ട് പോകുന്ന സമൂഹത്തിൽ  ചില യുവാക്കൾ പ്രചോദനമാകുകയാണ്. ഭൂമി മനുഷ്യന്റെ മാത്രമല്ല എന്നൊരു തിരിച്ചറിവ് സമൂഹത്തിനു  നൽകിയാണ് കുറച്ച് യുവാക്കൾ ഇന്ന് ചക്കരക്കല്ല് പ്രദേശത്ത് കർമ്മപ്രവർത്തനത്തിന് നിലകൊണ്ടത്.

ചക്കരക്കല്ല് കെ കെ ബാറിന് സമീപം രാവിലെ വാഹനമിടിച്ച് മരണപെട്ട തെരുവ് നായ മണിക്കൂറുകളോളമാണ്  റോഡിൽ കിടന്നത്.

തുടർന്ന് പ്രദേശവാസിയായ അർഷാദ് ചക്കരക്കല്ലും  സുഹൃത്തുക്കളും ചേർന്ന് നായയുടെ ജഡം സംസ്കരിക്കുകയായിരുന്നു.

യുവാക്കളുടെ ഉദാത്തമാതൃകയിൽ  നാട്ടുകാർ അഭിനന്ദനങ്ങൾ കൊണ്ട് മൂടുകയാണ്.