മുഴപ്പിലങ്ങാട് മത്സ്യമാർക്കറ്റ് പൊളിച്ചു

ദേശീയപാതാ വികസനത്തിനായി കുളംബസാറിലെ മത്സ്യമാർക്കറ്റ് പ്രവർത്തിച്ചിരുന്ന താത്കാലിക ഷെഡ് പൊളിച്ചുനീക്കി. തിങ്കളാഴ്ച ഉച്ചയോടെയാണ് ഷെഡ് പൊളിച്ചുതുടങ്ങിയത്. മത്സ്യ വില്പനക്കാരും ഇറച്ചി കച്ചവടക്കാരും ഉൾപ്പെടെ പത്തോളം പേർ ഇവിടെ പ്രവർത്തിക്കുന്നുണ്ട്. ഷെഡ് പൊളിച്ചതോടെ മത്സ്യവിപണനം താളം തെറ്റി. പകരം സംവിധാനം ഏർപ്പെടുത്താതെയാണ് ഷെഡ് പൊളിച്ചതെന്ന് വ്യാപാരികൾ പരാതിപ്പെട്ടു. വരുംദിവസങ്ങളിൽ എവിടെവെച്ച് മത്സ്യം വില്പന നടത്തുമെന്ന് അവർ ചോദിക്കുന്നു. അതേസമയം, മത്സ്യവില്പനയ്ക്കായുള്ള സംവിധാനം ഉടൻ നടപ്പാക്കുമെന്ന് പഞ്ചായത്ത് പ്രസിഡന്റ് ടി. സജിത അറിയിച്ചു. നിലവിലെ ഷെഡിന് പിറകിൽ

പഞ്ചായത്തിന്റെ സ്ഥലം ഇതിനായി ഉപയോഗപ്പെടുത്തും.