പത്തനംതിട്ട: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ യുവാവ് അറസ്റ്റില്‍. റാന്നി തോട്ടമണ്‍ ആര്യപത്രയില്‍ അനന്തു അനില്‍കുമാറാണ് (26) പൊലീസ് പിടിയിലായത്. പത്തനംതിട്ട പൊലീസ് ആണ് പ്രതിയെ പിടികൂടിയത്.
കഴിഞ്ഞ അഞ്ചിന് രാത്രിയാണ് കേസിനാസ്പദമായ സംഭവം. അമ്മയ്ക്കൊപ്പം താമസിച്ചു വന്നിരുന്ന പെണ്‍കുട്ടിയെ പ്രതി ദേഹോപദ്രവം ഏല്‍പിക്കുകയായിരുന്നു. നാളുകളായുള്ള പീഡനവും ഉപദ്രവവും പൊലീസിനോടു വെളിപ്പെടുത്തിയ കുട്ടിയുടെ മൊഴിപ്രകാരം കേസെടുക്കുകയായിരുന്നു. പെണ്‍കുട്ടിയുടെ അമ്മയുടെ സുഹൃത്താണ് യുവാവെന്ന് പറയുന്നു.
അനില്‍കുമാറിനെ പത്തനംതിട്ട കണ്ട്രോള് റൂം സബ് ഇന്‍സ്‌പെക്ടര്‍ മധുവിന്‍റെ നേതൃത്വത്തിലാണ് അറസ്റ്റ് ചെയ്തത്. പോക്‌സോ കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു