വിവാദമായ ആലക്കോട് പീഡനകേസ് പ്രതിക്ക് ജീവപര്യന്തം ശിക്ഷയും ഒരു ലക്ഷം രൂപ പിഴയും - കണ്ണൂരാൻ വാർത്ത
LightBlog
LightBlog

Thursday, 7 April 2022

വിവാദമായ ആലക്കോട് പീഡനകേസ് പ്രതിക്ക് ജീവപര്യന്തം ശിക്ഷയും ഒരു ലക്ഷം രൂപ പിഴയും


സംഗീതം പഠിക്കാൻ എത്തിയ 16 കാരിയെ പീഡിപ്പിച്ചു; ആലക്കോട് സ്വദേശിക്ക് ജീവപര്യന്തം കഠിനതടവും പിഴയും

തളിപ്പറമ്പ്: സംഗീതം പഠിക്കാൻ എത്തിയ 16 വയസ്സുകാരിയെ പീഡിപ്പിച്ച സംഗീത അധ്യാപകന് ജീവപര്യന്തം കഠിനതടവും ഒരു ലക്ഷം രൂപ പിഴയും. പെൺകുട്ടിയുടെ ചിത്രങ്ങൾ പരസ്യപ്പെടുത്തുമെന്നു ഭീഷണിപ്പെടുത്തിയതിനു രണ്ടു വർഷം കഠിന തടവും വിധിച്ചിട്ടുണ്ട്.
ആലക്കോട് കാർത്തികപുരം അട്ടേങ്ങാട്ടിൽ ജിജി ജേക്കബിന്(50) ആണ് ശിക്ഷ വിധിച്ചുകൊണ്ട് തളിപ്പറമ്പ് അതിവേഗ പോക്സോ സ്പെഷൽ കോടതി ജഡ്ജി സി.മുജീബ് റഹ്മാൻ ഉത്തരവിട്ടത്.
2015 ൽ കരുവഞ്ചാലിലെ സംഗീത പഠന സ്ഥാപനത്തിൽ അവധിക്കാലത്ത് ഓർഗൻ പഠിക്കാനെത്തിയതായിരുന്നു പെൺകുട്ടി. ഓർഗൻ അധ്യാപകനായ ജിജി ജേക്കബ് പല ദിവസങ്ങളായി പെൺകുട്ടിയെ സ്ഥാപനത്തിൽ വച്ച് പീഡിപ്പിച്ചു എന്നായിരുന്നു പരാതി. സംഭവം അക്കാലത്ത് എറെ വിവാദമുയർത്തിയിരുന്നു. കേസിൽ 15 സാക്ഷികളെ വിസ്തരിച്ചിരുന്നു. പ്രോസിക്യൂഷന് വേണ്ടി സ്പെഷൽ പബ്ലിക് പ്രോസിക്യൂട്ടർ ഷെറി മോൾ ജോസ് ഹാജരായി.അന്നത്തെ ആലക്കോട് സിഐ പി.കെ.സുധാകരനാണ് കേസ് അന്വേഷിച്ചത്.

No comments:

Post a Comment

താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു

Post Top Ad

LightBlog