മലപ്പട്ടം സ്‌കൂളില്‍ റാഗിങ്: ആറ് വിദ്യാർഥികൾക്കെതിരെ കേസ്
ശ്രീകണ്ഠപുരം: മലപ്പട്ടം എ. കുഞ്ഞിക്കണ്ണന്‍ സ്മാരക ഗവ. ഹയര്‍സെക്കൻഡറി സ്‌കൂളില്‍ വിദ്യാര്‍ഥിയെ റാഗിങ്ങിനിരയാക്കി. പ്ലസ്‌വണ്‍ വിദ്യാര്‍ഥിയായ മുഹമ്മദ് ആസിഫാണ് റാഗിങ്ങിനിരയായത്.
ആസിഫ് സ്‌കൂളിലേക്ക് വൈദ്യുതി സ്‌കൂട്ടര്‍ കൊണ്ടുവരാറുണ്ടായിരുന്നു. ഇത് രണ്ടാംവര്‍ഷ വിദ്യാർഥികള്‍ തടഞ്ഞിരുന്നു. വീണ്ടും സ്‌കൂട്ടര്‍ സ്‌കൂളിലേക്ക് കൊണ്ടുവന്നതോടെ കഴിഞ്ഞദിവസം സീനിയര്‍ വിദ്യാര്‍ഥികള്‍ ആസിഫിനെ ഭീഷണിപ്പെടുത്തി ക്രൂരമായി മര്‍ദിച്ചു.
പരിക്കേറ്റ വിദ്യാർഥി ആശുപത്രിയിൽ ചികിത്സ തേടി. സംഭവത്തില്‍ പ്ലസ്ടു വിദ്യാര്‍ഥികളായ ആറുപേര്‍ക്കെതിരെയാണ് മയ്യില്‍ പൊലീസ് കേസെടുത്തത്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു