മൂണ്ടേരിയിൽ നിയന്ത്രണം വിട്ട ബസ്സ് വീടിന്റെ മതിൽ തകർത്ത് താഴ്ചയിലേക്ക് ചെരിഞ്ഞു

മുണ്ടേരി: മുണ്ടേരിക്കടവ് പാലത്തിന് സമീപം ബസ്സ് അപകടം. മുണ്ടേരിയിൽ നിന്നും കണ്ണാടിപ്പറമ്പ് വഴി കണ്ണൂരിലേക്ക് പോകുന്ന എക്സോട്ടിക് ബസ്സ് ആണ് ഇന്നു രാവിലെ ആറ് മണിയോടെ അപകടത്തിൽപ്പെട്ടത്.

എതിരെ വന്ന ബൈക്കിനെ വെട്ടിക്കാൻ ശ്രമിക്കുന്നതിനിടെയാണ് അപകടം സംഭവിച്ചത്. നിയന്ത്രണം വിട്ട ബസ്സ് തൊട്ടടുത്തുള്ള വീടിൻ്റെ മതിലിൽ ഇടിച്ചു കയറി ചതുപ്പിൽ നിൽക്കുകയായിരുന്നു. ഇടിയുടെ ആഘാതത്തിൽ ബസിൻ്റെ മുൻ ഭാഗം തകർന്നു.തൊട്ടടുത്തുള്ള വിടിൻ്റെ മുറ്റത്ത് നിർത്തിയിട്ടിരുന്ന കാറിനു ചെറിയ കേട് പാട് സംഭവിച്ചിട്ടുണ്ട്. അപകടത്തിൽ ആളപായമില്ല.