സിനിമാ തീയേറ്ററുകൾ ഉടൻ തുറക്കാനാവില്ല: മന്ത്രി സജി ചെറിയാൻ

uploads/news/2021/08/507641/CollageMaker_20210812_131859166.jpg

തിരുവനന്തപുരം: സംസ്ഥാനത്ത് സിനിമാ തീയേറ്ററുകൾ ഉടൻ തുറക്കാനാവില്ലെന്ന് മന്ത്രി സജി ചെറിയാൻ. കോവിഡ് സാഹചര്യത്തിൽ തിയറ്ററുകൾ ഇപ്പോൾ തുറക്കുന്നത് പരിഗണിക്കില്ലെന്നും കോവിഡ് രോഗികളുടെ എണ്ണത്തിലെ വർധന ആശങ്കയോടെയാണ് കാണുന്നതെന്നും ടിപിആർ നിരക്ക് എട്ട് ശതമാനത്തിൽ താഴെയെങ്കിലും വന്നാൽ മാത്രമേ തീയേറ്ററുകൾ തുറക്കുന്നത് പരി​ഗണിക്കുകയുള്ളൂ എന്നും മന്ത്രി പറഞ്ഞു.

അടുത്ത നാല് മാസത്തേക്കു കൂടി തിയേറ്റർ തുറക്കുന്നത് പ്രതിസന്ധി സൃഷ്ടിക്കുമെന്നും ഡിസംബർ വരെ കാത്തിരിക്കണമെന്നും അദ്ദേഹം പറഞ്ഞു.ബി​ഗ് ബജറ്റ് ചിത്രം മരക്കാർ ഉൾപ്പടെ നിരവധി ചിത്രങ്ങളാണ് റിലീസ് തീയതി വരെ പ്രഖ്യാപിച്ച് തീയേറ്റർ തുറക്കുന്നതിനായി കാത്തിരിക്കുന്നത്.

ചിത്രങ്ങളുടെ നിർമാതാക്കൾക്കും ആരാധകർക്കും ഒരുപോലെ തിരിച്ചടിയാണ് ഇപ്പോഴത്തെ തീരുമാനം. അതെ സമയം, കോവിഡ് മരണങ്ങൾ കൂടിവരുന്നത് സാഹചര്യം ജാഗ്രതയോടെ എടുക്കണമെന്നും മന്ത്രി പറഞ്ഞു.