വൈദ്യുതി ബില് കുടിശ്ശിക അടച്ചില്ലെങ്കില് കെ.എസ്.ഇ.ബി കണക്ഷന് വിഛേദിക്കും എന്ന വാര്ത്ത വസ്തുതാ വിരുദ്ധമാണെന്ന് വൈദ്യുതി വകുപ്പ്. ഇത്തരത്തില് കണക്ഷന് വിഛേദിക്കാനുള്ള ഒരു തീരുമാനവും സര്ക്കാര് തലത്തില് എടുത്തിട്ടില്ലെന്ന് വൈദ്യുതി വകുപ്പ് അറിയിച്ചു.
മുഖ്യമന്ത്രിയുടെ മേയ് അഞ്ചാം തീയതിയിലെ പത്രസമ്മേളനത്തില് കെഎസ് ഇ ബിയുടെ കുടിശ്ശിക പിരിവ് രണ്ടുമാസത്തേക്ക് നിര്ത്തിവയ്ക്കും എന്ന് അറിയിച്ചിരുന്നു. ഇതാണ് നിലവിലെ സ്ഥിതിയെന്ന് വൈദ്യുതി വകുപ്പ് വ്യക്തമാക്കി.
കുടിശ്ശികയുടെ വിശദാംശങ്ങള് പരിശോധിച്ച ശേഷം മാത്രമേ നിലവില് വൈദ്യുതി വിഛേദിക്കേണ്ട എന്നുള്ള കാര്യത്തില് മാറ്റം വരുത്തുന്നതില് സര്ക്കാര് തീരുമാനം കൈക്കൊള്ളുകയുള്ളൂവെന്ന് വാര്ത്താക്കുറിപ്പില് പറയുന്നു. അതുവരെ നിലവിലുള്ള സ്ഥിതി തുടരാനാണ് തീരുമാനമെന്നും വൈദ്യുതി വകുപ്പ് വ്യക്തമാക്കി.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു