പെരുമ്പടവ്: എരമം - കുറ്റൂർ പഞ്ചായത്തിലെ വെള്ളോറയിൽ സിപിഎം ലോക്കൽ കമ്മറ്റി ഓഫീസിൽ കോവിഡ് ആന്റിജൻ പരിശോധന നടത്തിയതിൽ എരമം - കുറ്റൂർ മണ്ഡലം കോൺഗ്രസ് കമ്മിറ്റി പ്രതിഷേധിച്ചു. വെള്ളോറ ടൗണിൽ തന്നെ സൗകര്യമുള്ള ഹോമിയോ ഡിസ്പൻസറിയും ഹയർ സെക്കൻഡറി സ്കൂളുമുള്ളപ്പോഴാണ് പഞ്ചായത്ത്, ആരോഗ്യ വകുപ്പ് അധികൃതരുടെ രാഷ്ട്രീയക്കളിയെന്ന് കോൺഗ്രസ് ആരോപിച്ചു. ഇതിനെതിരെ കളക്ടർക്കും ജില്ലാ മെഡിക്കൽ ഓഫിസർക്കും പരാതി നൽകി. ഓൺലൈൻ യോഗത്തിൽ മണ്ഡലം പ്രസിഡന്റ് സാജു ആന്റണി അധ്യക്ഷത വഹിച്ചു. കക്കറ പ്രഭാകരൻ, എൻ.വി. രാധാകൃഷ്ണൻ, എൻ.വി. മധുസൂദനൻ ,ശ്രീധരൻ ആലംത്തിട്ട ,സദാനന്ദൻ, കെ.എം. രാഘവൻ, എം.പി. ദാമോദരൻ പ്രസംഗിച്ചു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു