നൂറും കടന്നു പെട്രോള്‍

തിരുവനന്തപുരംഃ കേരളത്തില്‍ സാധാരണ പെട്രോള്‍ ലിറ്ററിന് നൂറു രൂപയ്ക്കു മുകളിലെത്തി. തിരുവനന്തപുരം ജില്ലയിലെ പാറശാലയിലാണ് വില നൂറ് കടന്നത്. 100.04 രൂപയാണ് ഇന്നത്തെ വില. പെട്രോളിന് 26 പൈസയും ഡീസലിന് എട്ടു പൈസയും വര്‍ധിച്ചു. അതേ സമയം തലസ്ഥാനനഗരത്തില്‍ യഥാക്രമം 99.80, 95.62 രൂപയാണു വില. കൊച്ചിയില്‍ പെട്രോളിന് 97.98 രൂപയും ഡീസലിന് 93.10 രൂപയുമെത്തി.

കേന്ദ്ര സംസ്ഥാന സര്‍ക്കാരുകള്‍ നികുതി കുറയ്ക്കാത്ത സാഹചര്യത്തില്‍ വില ഇനിയും ഉയരും. ക്രൂഡ് ഓയിലിന്‍റെ വിലവര്‍ധനയാണു കാരണമായി പറയുന്നതെങ്കിലും എഴുപതു രൂപയോളം നികുതി ഇനത്തില്‍ നല്കേണ്ടി വരുന്നതിനാലാണ് വില ഇത്രയും ഉയര്‍ന്നത്.