കണ്ണൂര്: എല്ലാ ബൂത്തുകളിലും വെബ് കാമറ ഒരുക്കുമെന്ന പ്രഖ്യാപനത്തില്നിന്ന് തെരഞ്ഞെടുപ്പ് കമ്മീഷന് പിന്നോട്ടു പോകരുതെന്ന് കെ.സി. ജോസഫ് എംഎല്എ ആവശ്യപ്പെട്ടു. പ്രതിപക്ഷ നേതാവടക്കം കള്ളവോട്ടുകള് സംബന്ധിച്ച് നിരവധി പരാതികള് ചൂണ്ടിക്കാട്ടിയിട്ടുണ്ട്. ഈ സാഹചര്യത്തില് ശക്തമായ നടപടികള് തെരഞ്ഞെടുപ്പ് കമ്മീഷന്റെ ഭാഗത്തുനിന്ന് ഉണ്ടാകണമെന്നും കെ.സി. ജോസഫ് കണ്ണൂരില് പത്രസമ്മേളനത്തില് ആവശ്യപ്പെട്ടു. നിലവില് 80 വയസ് കഴിഞ്ഞവര് അപേക്ഷ നല്കിയാല് പ്രത്യേക വോട്ടിംഗ് സംവിധാനം ഏര്പ്പെടുത്തുമെന്നായിരുന്നു നേരത്തെ പറഞ്ഞത്.എന്നാല് ഇപ്പോള് വീടുകളിലെത്തി പട്ടികപോലും നോക്കാതെ 80 കഴിഞ്ഞ എല്ലാവരെയും വോട്ട് ചെയ്യിപ്പിക്കുകയാണ്. ഈ ബാലറ്റുകള് പ്രത്യേകം തയാറാക്കിയ പെട്ടികളില് സുരക്ഷിതമായി നിക്ഷേപിക്കുന്നതിനു പകരം ഉദ്യോഗസ്ഥര് കൈയില് വാങ്ങി കൊണ്ടുപോകുകയാണ്. ഇക്കാര്യത്തില് എത്രത്തോളം സുതാര്യതയുണ്ടാകുമെന്ന കാര്യത്തില് ആശങ്കയുണ്ട്. സ്വര്ണക്കടത്ത് കേസുമായി ബന്ധപ്പെട്ട് സ്പീക്കര് ശ്രീരാമകൃഷ്ണന് ആരോപണവിധേയനായ സാഹചര്യത്തില് അദ്ദേഹം സ്പീക്കര്സ്ഥാനം രാജിവച്ച് സഭയുടെ അന്തസ് നിലനിര്ത്തണമെന്നും കെ.സി.
ജോസഫ് ആവശ്യപ്പെട്ടു.
സ്ഥാനമാനങ്ങള് മോഹിച്ചല്ല താന് പൊതുപ്രവര്ത്തനം ആരംഭിച്ചത്. 16-ാ മത്തെ വയസില് കെഎസ് യുവിലൂടെ പ്രവര്ത്തിച്ചാണ് കോണ്ഗ്രസ് പാര്ട്ടിയിലെത്തിയത്. പുതുതലമുറയ്ക്ക് അവസരം നല്കുന്നതിന്റെ ഭാഗമായാണ് താന് തെരഞ്ഞെടുപ്പ് മത്സരത്തില്നിന്ന് മാറിനിന്നത്.
തെരഞ്ഞെടുപ്പില് മത്സരിക്കുന്നില്ല എന്നതുകൊണ്ട് രാഷ്ട്രീയത്തില്നിന്ന് മാറിനില്ക്കില്ല. പാര്ട്ടി പറയുന്നത് അനുസരിക്കും. 39 വര്ഷത്തോളം ഇരിക്കൂറിന്റെ ജനപ്രതിനിധിയായി പ്രവര്ത്തിച്ചു. ഇത്രയുംകാലം തന്നോടൊപ്പം പ്രവര്ത്തിച്ചവര്ക്കും ജനങ്ങള്ക്കും നന്ദി രേഖപ്പെടുത്തുന്നതായും കെ.സി. ജോസഫ് പറഞ്ഞു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു