പെരുമ്ബടവ്: മലയോര മേഖലയില്‍ വൈദ്യുതി മുടക്കം പതിവാകുന്നതായി പരാതി. കഠിനമായ ചൂടും വരള്‍ച്ചയും അനുഭവപ്പെടുന്ന വേനലില്‍ വൈദ്യുതി മുടക്കം പതിവാകുന്നത് കാര്‍ഷികമേഖലയിലെ ജലസേചനത്തിനും വ്യാപാരികള്‍ക്കും വ്യവസായികള്‍ക്കും എന്നതുപോലെ വീടുകളിലും വലിയ ദുരിതമായി മാറുകയാണ്. കഠിനമായ ചൂട് അനുഭവപ്പെടുന്ന ഈ സമയത്ത് വൈദ്യുതി ഇല്ലാത്തത് മൂലം ഫാന്‍ പോലും പ്രവര്‍ത്തിപ്പിക്കാന്‍ പറ്റാത്ത അവസ്ഥയാണ്. കടുത്ത വരള്‍ച്ചയിലും വൈദ്യുതി മുടങ്ങുന്നതു മൂലം കാര്‍ഷിക ആവശ്യത്തിനുള്ള ജലസേചനം മുടങ്ങുന്നത് കാര്‍ഷികവിളകളുടെ നാശത്തിനും കാരണമായി തീരും.ജലസേചന പമ്ബ് സെറ്റുകള്‍ പ്രവര്‍ത്തിപ്പിക്കണമെങ്കില്‍ മണിക്കൂറുകള്‍ കാത്തിരിക്കേണ്ട ഗതികേടിലാണ് മലയോരത്തെ കര്‍ഷകര്‍. മുന്നറിയിപ്പ് പോലുമില്ലാതെ നിരന്തരം വൈദ്യുതി മുടങ്ങുന്നത് ശക്തമായ പ്രതിഷേധത്തിന് കാരണമായിട്ടുണ്ട്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു