കണ്ണൂര്: പോളിംഗിന് പിന്നാലെ കണ്ണൂര് കടവത്തൂരില് സിപിഎം - മുസ്ലീം ലീഗ് പ്രവര്ത്തകര് തമ്മിലുണ്ടായ സംഘര്ഷത്തില് വെട്ടേറ്റ മുസ്ലീം ലീഗ് പ്രവര്ത്തകന് മരിച്ചു. ചൊക്ലി പുല്ലൂക്കര സ്വദേശി മന്സൂര് (22) ആണ് മരിച്ചത്. ഇന്നലെ രാത്രി എട്ട് മണിയോടെയുണ്ടായ സംഘര്ഷത്തിലാണ് മന്സൂറിന് വെട്ടേറ്റത്. ഇയാളുടെ സഹോദരന് മുഹ്സിനും ആക്രമണത്തില് പരുക്കേറ്റിരുന്നു. മന്സൂറിന്റെ കൊലപാതകത്തില് പ്രതിഷേധിച്ച് കൂത്തുപറമ്ബില് യുഡിഎഫ് ഹര്ത്താലിന് ആഹ്വാനം ചെയ്തു.
ഇന്നലെ ഉച്ചയോടെ പോളിംഗിനിടെ മുക്കില്പീടിക ഭാഗത്ത് ലീഗ്-സിപിഎം പ്രവര്ത്തകര് തമ്മില് സംഘര്ഷമുണ്ടായിരുന്നു. കൊല്ലപ്പെട്ട മന്സൂറിന്റെ സഹോദരന് മുഹ്സിന് 150-ാം നമ്ബര് ബൂത്തിലെ യുഡിഎഫ് ഏജന്റായിരുന്നു.പോളിംഗിനിടെ തന്നെ മുഹ്സിന് നേരെ ഭീഷണിയുണ്ടായിരുന്നു. വൈകിട്ട് പോളിംഗ് കഴിഞ്ഞ് മുഹ്സിന് വീട്ടിലേക്ക് പോകുന്നതിനിടെ ഒളിച്ചിരുന്ന അക്രമിസംഘം ബോംബ് എറിഞ്ഞ ശേഷം വെട്ടുകയായിരുന്നുവെന്നാണ് പ്രാഥമിക വിവരം. ഈ ആക്രമണത്തിനിടെ മുഹ്സിന്റെ സഹോദരനായ മന്സൂറിനും വെട്ടേല്ക്കുകയായിരുന്നു.
കാലിന് ഗുരുതരമായി പരുക്കേറ്റ മന്സൂറിനെ ആദ്യം തലശ്ശേരിയിലും പിന്നീട് കോഴിക്കോട്ടെ സ്വകാര്യ ആശുപത്രിയിലും എത്തിച്ചെങ്കിലും അര്ധരാത്രിയോടെ മരണം സംഭവിക്കുകയായിരുന്നു. ബോംബേറില് ഒരു സ്ത്രീക്കും പരുക്കേറ്റു. അക്രമിസംഘത്തിലുണ്ടായിരുന്ന ഷിനോസ് എന്നയാളെ നാട്ടുകാര് പിടികൂടി പൊലീസില് ഏല്പ്പിച്ചിട്ടുണ്ട്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു