കണ്ണൂര്: ഐക്യ ജനാധിപത്യ മുന്നണി പ്രകടന പത്രികയില് വാഗ്ദാനം ചെയ്ത സ്പോര്ട്സ് യൂണിവേഴ്സിറ്റി കണ്ണൂരില് സ്ഥാപിക്കണമെന്ന് കായിക മേഖലയിലെ പ്രതിഭകളുടെ സംഗമത്തില് കായിക താരങ്ങള് സതീശന് പാച്ചേനിയോട് ആവശ്യപ്പെട്ടു.
ജില്ലയിലെ പ്രമുഖ കായികതാരങ്ങളെയും വിവിധ സ്പോര്ട്സ് മേഖലയില് പ്രവര്ത്തിക്കുന്നവരുമായി യുഡിഎഫ് സ്ഥാനാര്ഥി സതീശന് പാച്ചേനി സെന്ട്രല് അവന്യൂ ഓഡിറ്റോറിയത്തില് നടത്തിയ മുഖാമുഖത്തിലാണ് കണ്ണൂരില് സ്പോര്സ് യൂനിവേഴ്സിറ്റി സ്ഥാപിക്കണമെന്ന ആവശ്യമുന്നയിച്ചത്.യുഡിഎഫ് അധികാരത്തില് വന്നാല് വലിയ പ്രാധാന്യത്തോടെ ആവശ്യം പരിഗണിക്കുമെന്ന് പാച്ചേനി പറഞ്ഞുഒട്ടേറെ ദേശീയ അന്തര്ദേശിയ താരങ്ങളെ സംഭാവന ചെയ്ത കണ്ണൂരില് കായികപ്രതിഭകള്ക്കായി ഒരു യൂണിവേഴ്സിറ്റി സ്ഥാപിക്കുന്നത് കായിക കേരളത്തിന് ഒരു മുതല് കൂട്ടായിരിക്കുമെന്ന് കായിക താരങ്ങള് പറഞ്ഞു. അന്താരാഷ്ട്ര വോളിബോള് റഫറി അരുണാചലം, അധ്യക്ഷത വഹിച്ചു. കോര്പറേഷന് വിദ്യാഭ്യാസ സ്റ്റാന്ഡിംഗ് ചെയര്മാന് സുരേഷ് ബാബു എളയാവൂര്, രഞ്ചിത്ത് താളിക്കാവ്, ഇന്ത്യന് ഫുട്ബോള് താരങ്ങളായ കെ.വി. ധനേഷ്, കെ. ശിവദാസന്, എം.പി. അശോകന്, അജിത്ത് പാറക്കണ്ടി, സി. രാജീവന്, ഹബീബ് ഹസന്, സെയിദ്, ഗോകുല്ദാസ്, മോഹനന്, നവീന്, റസ്ലിംഗ് താരം ഗുരുദാസ്, കേരള പോലീസ് ഫുട്ബോള് താരമായ മോഹനന്, രവി തൈക്കണ്ടി, തുടങ്ങി പ്രമുഖരായ കായിക താരങ്ങള് പരിപാടിയില് പങ്കെടുത്തു സംസാരിച്ചു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു