ചക്കരക്കല്‍: നിയമസഭാ തെരഞ്ഞെടുപ്പില്‍ എന്‍ഡിഎ വന്‍ മുന്നേറ്റം നടത്തുമെന്ന് ബിജെപി നേതാവ് ഒ. രാജഗോപാല്‍ എംഎല്‍എ. എന്‍ഡിഎ ധര്‍മടം നിയോജക മണ്ഡലം സ്ഥാനാര്‍ഥി സി.കെ.പദ്മനാഭന്‍റെ തെരഞ്ഞെടുപ്പ് പ്രചാരണവും മണ്ഡലം കണ്‍വെന്‍ഷനും ചക്കരക്കല്‍ ഗോകുലം ഓഡിറ്റോറിയത്തില്‍ ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
കഴിഞ്ഞ അഞ്ച് വര്‍ഷം എല്‍ഡിഎഫ് സര്‍ക്കാര്‍ നടപ്പിലാക്കിയ ജനദ്രോഹ നടപടികള്‍ക്കെതിരായ വിധിയെഴുത്താവും തെരഞ്ഞെടുപ്പില്‍ ഉണ്ടാവുകയെന്നും അദ്ദേഹം പറഞ്ഞു. ബിജെപി മണ്ഡലം പ്രസിഡന്‍റ് കെ.പി.ഹരീഷ് ബാബു അധ്യക്ഷത വഹിച്ചു.
എന്‍ഡിഎ സ്ഥാനാര്‍ഥി സി.കെ. പദ്മനാഭന്‍ , ബിഡിജെഎസ് സംസ്ഥാന സെക്രട്ടറി അരയാക്കണ്ടി സന്തോഷ്, കെ.കെ. വിനോദ് കുമാര്‍, വിജയന്‍ വട്ടിപ്രം, യു.ടി.
ജയന്തന്‍, കേണല്‍ രാംദാസ്, പി.ആര്‍. രാജന്‍, എ. ജിനചന്ദ്രന്‍, എ. അനില്‍കുമാര്‍ എന്നിവര്‍ പ്രസംഗിച്ചു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു