ഇക്കഴിഞ്ഞ ദിവസമാണ് അര്ജന്റീനയില്, മിയ വലെജോസ് എന്ന മൂന്നു വയസ്സുകാരി തന്റെ സുപ്രധാന അവയവങ്ങളിലുണ്ടായ അണുബാധയും ഇതിനെത്തുടര്ന്നുണ്ടായ ഹൃദയാഘാതവും കാരണം ആശുപത്രിയില് വച്ച് മരണമടഞ്ഞത്. ഹൃദയത്തിലും ശ്വാസകോശത്തിലും വലിയ സൂചി കുത്തിത്തറച്ചതാണ് അണുബാധയ്ക്കു കാരണം. മാതാപിതാക്കള് സാത്താന് സേവ നടത്തിയതിനെത്തുടര്ന്നാകാം ഈ ദാരുണ മരണം സംഭവിച്ചതെന്ന് സംശയിക്കുന്നു. പോസ്റ്റ് മോര്ട്ടത്തില്, ഫോറന്സിക് അധികൃതര് അവളുടെ ശരീരത്തില് നിന്നും സൂചികള് കണ്ടെടുത്തിട്ടുണ്ട്. 4 ഇഞ്ച് വലിപ്പമുള്ള ഫുട്ബോള് തുന്നുന്ന സൂചിയാണ് കുഞ്ഞിന്റെ ഹൃദയത്തില് തട്ടിയ രീതിയില് കണ്ടെടുത്തത്. സംഭവത്തെത്തുടര്ന്ന് ക്വിറ്റിലിപി എന്ന ഗ്രാമത്തില് നിന്നും മിയയുടെ, ഗര്ഭിണിയായ 20 വയസ്സുകാരി അമ്മയെയും 19 വയസ്സുള്ള രണ്ടാനച്ഛനെയും പോലീസ് അറസ്റ്റ് ചെയ്തു.ഇരുവരുടെയും പേര് വെളിപ്പെടുത്തിയിട്ടില്ല.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു