ആലക്കോട്: മണക്കടവ് റൂട്ടില്‍ മാമ്ബൊയില്‍ ടൗണിനു സമീപം റോഡ് പൊള്ളിച്ച്‌ ഗതാഗതം തടസപ്പെടുത്തിയിട്ട് ആഴ്ചകള്‍ പിന്നിട്ടു. പ്രദേ‌ശത്തേക്കുള്ള ബസ് സര്‍വീസുകളും മുടങ്ങിയിരിക്കുകയാണ്. സ്ഥിരമായി ജോലിക്കു പോകുന്നവരും വിവിധ ആവശ്യങ്ങള്‍ക്കായി മണക്കടവ്, ആലക്കോട് ഭാഗത്തേക്കു പോകുന്നവര്‍ക്കും ഇപ്പോള്‍ കിലോമീറ്ററുകള്‍ കാല്‍നട തന്നെ ശരണം. റോഡ് കയറ്റം കുറച്ച്‌ ടാര്‍ ചെയ്യുന്നതിനായി ഏറെക്കാലം മുമ്ബേ കരാറു നല്‍കിയിരുന്നെങ്കിലും കരാറുകാരന്‍റെ അനാസ്ഥമൂലം പണി നീണ്ടുപോവുകയായിരുന്നു. തുട‌ര്‍ന്ന് വളരെ വൈകി കഴിഞ്ഞമാസം പണിയാരംഭിച്ചെങ്കിലും എസ്റ്റിമേറ്റ് പ്രകാരം പ്രവൃത്തി നടത്താത്തതില്‍ പ്രതിഷേധമുയരുകയും അധികൃതര്‍ ഇടപെടുകയും ചെയ്തിരുന്നു. എന്നാല്‍ കരാറുകാരന്‍ റോഡുപണി പാതിയില്‍ നിര്‍ത്തിയിരിക്കുകയാണ്.മുടങ്ങിയ റോഡുപണി എത്രയും വേഗം പൂര്‍ത്തീകരിക്കണമെന്ന് മാമ്ബൊയില്‍ പബ്ലിക് ലൈബ്രറി കമ്മിറ്റി യോഗം ആവശ്യപ്പെട്ടു. ബിജു കണയിങ്കല്‍, സുനില്‍ മുളയന്നൂര്‍, ദേവസ്യാച്ചന്‍ കലവനാല്‍, അപ്പച്ചന്‍ എളമ്ബാശേരില്‍, ബിനു കുരിശുകുന്നേല്‍, ബാബുമോന്‍ എലവനപ്പാറയില്‍ തുടങ്ങിയവര്‍ യോഗത്തില്‍ പങ്കെടുത്തു.
No comments:
Post a comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു