കുമളി: കുമളി എക്സൈസ് ചെക്ക് പോസ്റ്റില്‍ വീണ്ടും കഞ്ചാവ് വേട്ട. മുണ്ടക്കയം കേന്ദ്രീകരിച്ച്‌ കഞ്ചാവ് വില്‍പന നടത്തിവരുന്ന മുണ്ടക്കയം സ്വദേശികളായ തടത്തില്‍ റെജി (49), കല്ലുതൊട്ടി പുരയിടം ഷാജന്‍ എന്ന കൊച്ചുചെറുക്കന്‍ എന്നിവരാണ് തമിഴ്നാട്ടില്‍നിന്നും കടത്തിയ 1.100 കിലോഗ്രാം കഞ്ചാവുമായി പിടിയിലായത്. പ്രതികള്‍ നിരവധി കഞ്ചാവ്, മോഷണ കേസുകളില്‍ പ്രതികളാണെന്ന് എക്സൈസ് ഉദ്യോഗസ്ഥര്‍ പറഞ്ഞു. വിദ്യാര്‍ഥികളുള്‍പ്പെടെയുള്ളവര്‍ക്ക് ചെറു പൊതികളാക്കി വില്‍ക്കാനായി കൊണ്ടുവന്നതാണ്
കുമളി എക്സൈസ് ഇന്‍സ്പെക്ടര്‍ വി.ജെ.റോയി, പ്രിവന്‍റീവ് ഓഫീസര്‍മാരായ ബി. രാജ്കുമാര്‍, വി. രവി, പി.ഡി. സേവ്യര്‍, സിവില്‍ എക്സൈസ് ഓഫീസര്‍ ടി.എ. അനീഷ് എന്നിവര്‍ചേര്‍ന്നാണ് പ്രതികളെ പിടികൂടിയത്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു