കൊട്ടിയൂര്: വന്യജീവികളുടെ ദാഹമകറ്റാന് ബ്രൂഷ്വുഡ് തടയണ നി ര്മിച്ച് ആറളം -കൊട്ടിയൂര് വനപാലകര്. വനദിനത്തോടനുബന്ധിച്ചു വ്യത്യസ്തമായൊരു ചലഞ്ച് ഏറ്റെടുത്തിരിക്കുകയാണ് പാലക്കാട് വൈല്ഡ്ലൈഫ് സര്ക്കിളിലെ വനപാലകര്.
വേനല്ക്കാലങ്ങളില് വന്യജീവികളുടെ ദാഹമകറ്റുന്നതിനായി മാര്ച്ച് അഞ്ച് മുതല് 21 വരെയുള്ള ദിവസങ്ങള്ക്കിടയില് 100 ബ്രൂഷ്വുഡ് തടയണകളാണ് പാലക്കാട് വൈല്ഡ്ലൈഫ് സര്ക്കിള് ചീഫ് കണ്സര്വേറ്റര് ഓഫ് ഫോറസ്റ്റ് കെ. വിജയാനന്ദെന്റ നേതൃത്വത്തില് ഒരുങ്ങുന്നത്.ചലഞ്ചിെന്റ ഭാഗമായി ആറളം, കൊട്ടിയൂര് വന്യജീവി സങ്കേതങ്ങളിലും ബ്രൂഷ്വുഡ് തടയണകള് നിര്മിച്ച് തുടങ്ങി.
മാര്ച്ച് നാലിന് ആറളം വന്യജീവി സങ്കേതത്തില് വൈല്ഡ്ലൈഫ് വാര്ഡന് ഷജ്നയുടെയും അസി. വൈല്ഡ്ലൈഫ് വാര്ഡന് എന്. അനില്കുമാറിെന്റയും നേതൃത്വത്തില് തുടങ്ങിയ പദ്ധതി ഇതിനോടകം അഞ്ചില് കൂടുതല് തടയണകള് നിര്മിച്ചു. വനം വകുപ്പിലെ ജീവനക്കാരെ കൂടാതെ വിദ്യാര്ഥികളും യജ്ഞത്തിെന്റ ഭാഗമായി. പാഴ്മരങ്ങളും ചെറുകമ്ബുകളും കരിയിലകളും സസ്യങ്ങളും പ്രയോജനപ്പെടുത്തി ചെയ്യുന്ന ഈ താല്ക്കാലിക തടയണകള് കാടിനകത്തെ വന്യജീവികള്ക്കും കാടിനോട് ചേര്ന്നുള്ള പുഴകളെ ആശ്രയിച്ചു ജീവിക്കുന്നവര്ക്കും അനുഗ്രഹമാണ്.
വേനല്ക്കാലങ്ങളില് വരും ദിവസങ്ങളില് കാട്ടുതീ തടയുന്നതിനോടൊപ്പം കുടിവെള്ള സംരക്ഷണത്തിന് ഇത്തരം പ്രവര്ത്തനങ്ങള് കൂടി തുടരാനാണ് വനം വകുപ്പിെന്റ ശ്രമം.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു