പാലാ: ക്രൈംബ്രാഞ്ച് ഡിവൈ.എസ്.പി ചമഞ്ഞ് വിലസിയ മുൻ പൊലീസുകാരൻ പിടിയിൽ. കണ്ണൂർ ഇരിട്ടി സ്വദേശി പ്രസാദിനെയാണ് (49) പാലാ പൊലീസ് അറസ്റ്റ് ചെയ്തത്. ഒരാഴ്ചയായി പാലായിൽ സ്വകാര്യ ടൂറിസ്റ്റ് ഹോമിൽ കബളിപ്പിച്ച് താമസിക്കുകയും ടൗണിലെ ഒരു യുവാവിെൻറ വിലകൂടിയ മൊബൈൽ ഫോൺ മോഷ്ടിക്കുകയും ചെയ്തതായി ഇയാൾക്കെതിരെ പരാതിയുണ്ട്.
പിടികൂടാനെത്തിയ പൊലീസിനോടും ക്രൈംബ്രാഞ്ച് ഡിവൈ.എസ്.പിയാണെന്ന് പറഞ്ഞ് ഇയാൾ തട്ടിക്കയറിയത്രെ. സല്യൂട്ട് ചെയ്യാത്തതായിരുന്നു കാരണം. 1993ൽ കെ.എ.പിയിൽ പൊലീസുകാരനായിരുന്ന പ്രസാദിനെ സ്വഭാവദൂഷ്യത്തെ തുടർന്ന് സർവിസിൽനിന്ന് പിരിച്ചുവിടുകയായിരുന്നെന്ന് പൊലീസ് പറയുന്നു. പാലാ ഡിവൈ.എസ്.പി പ്രഫുല്ലചന്ദ്രൻ, സർക്കിൾ സുനിൽ തോമസ്, എസ്.ഐ കെ.എസ്. ജോർജ് എന്നിവർ ചേർന്ന് തന്ത്രപൂർവമാണ് പ്രതിയെ പിടികൂടിയത്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു