കേളകം: കാട്ടാനകള്‍ ഭീതി പരത്തി മുന്നേറുമ്ബോള്‍ ആറളം ഫാമിലെയും പുനരധിവാസ മേഖലയിലെയും ജനങ്ങളുടെ നെഞ്ചിടിപ്പേറുകയാണ്. ആറളം ഫാമില്‍ നൂറുകണക്കിന് വാഴകളാണ് കാട്ടാനക്കൂട്ടം ഒടുവിലായി നശിപ്പിച്ചത്.
ആറളം ആദിവാസി പുനരധിവാസ മേഖലയിലെ 13ാം ബ്ലോക്കില്‍ കഴിഞ്ഞ ദിവസം രാത്രിയാണ് വാഴത്തോപ്പില്‍ കാട്ടാന വിളയാട്ടം നടത്തിയത്. ഇവിടെ കര്‍ഷക കൂട്ടായ്മയില്‍ 2500ഓളം വാഴകളാണ് ഗ്രൂപ് അടിസ്ഥാനത്തില്‍ കൃഷി ചെയ്തത്. ഈ വാഴത്തോപ്പിലാണ് കാട്ടാനകള്‍ നാശം വരുത്തിയത്. രാത്രിയില്‍ കര്‍ഷകര്‍ കാവല്‍നിന്നും ഫെന്‍സിങ് തീര്‍ത്തുമാണ് കൃഷി പരിപാലിച്ച്‌ പോന്നിരുന്നത്.എന്നാല്‍, ഇതെല്ലാം വിഫലമാക്കിയാണ് കാട്ടാനകള്‍ ദിവസവും വാഴകളും മറ്റു കൃഷികളും നശിപ്പിച്ചുകൊണ്ടിരിക്കുന്നത്. ആറളം കാര്‍ഷിക ഫാമില്‍ ഉള്‍പ്പെടെ കാട്ടാനകള്‍ ഭീതി പരത്തി വിളയാട്ടം തുടരുന്നു. വനം വകുപ്പ് ഉദ്യോഗസ്ഥര്‍ ആനകളെ തുരത്താന്‍ ശ്രമിക്കുന്നുണ്ടെങ്കിലും ജനവാസ കേന്ദ്രങ്ങളില്‍ കാട്ടാനകള്‍ ഭീതി പരത്തുന്നത് നിത്യസംഭവമാകുകയാണ്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു