മഞ്ചേരി: കാവനൂര്‍ പാലക്കാപ്പറമ്ബ് മഞ്ചാലില്‍ സോപ്പുപൊടി നിര്‍മാണ യൂനിറ്റില്‍ തീപിടിത്തം. ഞായറാഴ്ച പുലര്‍ച്ച നാലോടെയാണ് തീപിടിത്തമുണ്ടായത്.
കുണ്ടോടത്ത് അബ്ദുല്‍ ജലീലിെന്‍റ ഉടമസ്ഥതയിലുള്ള കുണ്ടോടത്ത് ഗ്ലോബല്‍ ഹോം കെയര്‍ എന്ന സോപ്പുപൊടി നിര്‍മാണ യൂനിറ്റാണ് അഗ്നിക്കിരയായത്.
നിര്‍മാണം കഴിഞ്ഞ സോപ്പുപൊടി സ്റ്റോക് ചെയ്തിരുന്ന ഷെഡിലാണ് തീ പിടിച്ചത്. സ്റ്റോക് മുഴുവനായും നശിച്ചു. ഇരുമ്ബ് ഷീറ്റ് മേഞ്ഞ ഷെഡിെന്‍റ മേല്‍ക്കൂരയും ഏതാനും ഉപകരണങ്ങളും ഫര്‍ണിച്ചറുകളും കത്തിനശിച്ചിട്ടുണ്ട്.മഞ്ചേരി, തിരുവാലി നിലയങ്ങളില്‍നിന്നുള്ള രണ്ട് യൂനിറ്റ് അഗ്നിരക്ഷ സേന എത്തി ഒരുമണിക്കൂറോളം പ്രയത്നിച്ചാണ് തീയണച്ചത്.
സേനയുടെ ഇടപെടല്‍ മൂലം തൊട്ടടുത്തുള്ള അസംസ്കൃത വസ്തുക്കള്‍ സൂക്ഷിച്ച ഭാഗത്തേക്ക്‌ തീ പടരുന്നത് ഒഴിവാക്കാനായി. തീപിടിത്തത്തിെന്‍റ കാരണം വ്യക്തമല്ല. മഞ്ചേരി അഗ്നിരക്ഷ സേന അസി. സ്റ്റേഷന്‍ ഓഫിസര്‍ ഇന്‍ചാര്‍ജ് എം. അബ്ദുല്‍ കരീമിെന്‍റ നേതൃത്വത്തില്‍ എം. പ്രദീപ്‌ കുമാര്‍, ഇ.എം. അബ്ദുറഫീഖ്, കെ.കെ. കൃഷ്ണകുമാര്‍, ഒ. സൂരജ്, പി. സുരേഷ്, പി. രാജേഷ് എന്നിവരും തിരുവാലി നിലയത്തിലെ സീനിയര്‍ ഫയര്‍ ആന്‍ഡ് റെസ്ക്യൂ ഓഫിസര്‍ പി.വി. സുബ്രഹ്മണ്യ‍െന്‍റ നേതൃത്വത്തില്‍ എത്തിയ ഒരു യൂനിറ്റും രക്ഷാപ്രവര്‍ത്തനത്തില്‍ പങ്കെടുത്തു
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു