കോണ്ക്രീറ്റ് മിക്സിംഗ് യൂണിറ്റ് ലോറി മറിഞ്ഞ് രണ്ടുപേര്ക്കു പരിക്ക്
ചെറുപുഴ: വെളിച്ചംതോടില് നിന്നും കോണ്ക്രീറ്റ് മിക്സുമായി ഓടക്കൊല്ലിയിലേക്ക് പോകുകയായിരുന്ന ലോറിമറിഞ്ഞ് രണ്ടുപേര്ക്ക് പരിക്കേറ്റു.
കര്ണാടക സ്വദേശികളായ ലക്ഷ്മികാന്ത് (42), ശിവ (22) എന്നിവര്ക്കാണ് പരിക്കേറ്റത്. ഇവരെ ചെറുപുഴയിലെ സ്വകാര്യ ആശുപത്രിയില് പ്രവേശിപ്പിച്ചു. ചീമേനി -കാക്കടവ് -ഓടക്കൊല്ലി റോഡ് നിര്മാണ പ്രവൃത്തി നടത്തുന്ന ആര്എസ്ഡിസിപിഎല് കമ്ബനിയുടെ വാഹനമാണ് മറിഞ്ഞത്.
പെരിങ്ങോത്തുനിന്നും എത്തിയ ഫയര്ഫോഴ്സും ചെറുപുഴ പോലീസും സ്ഥലത്തെത്തി. വാഹനത്തില്നിന്നും റോഡിലൊഴുകിയ ഓയിലും ഡീസലും നീക്കി വാഹന ഗതാഗതം പുനഃസ്ഥാപിച്ചു.ചെറുപുഴ എസ്ഐ എം.പി. വിജയകുമാര്, പെരിങ്ങോം ഫയര് ഓഫീസര് കെ.എം. ശ്രീനാഥന് എന്നിവരുടെ നേതൃത്വത്തിലാണ് രക്ഷാപ്രവര്ത്തനം നടത്തിയത്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു