ചെന്പേരി: ഉത്തര്‍പ്രദേശിലെ ഝാന്‍സിയില്‍ ട്രെയിന്‍യാത്രയ്ക്കിടെ കന്യാസ്ത്രീകളെ ആക്രമിച്ച സംഭവം അപലപനീയമാണെന്നും കുറ്റക്കാര്‍ക്കെതിരേ ശക്തമായ നടപടികള്‍ സ്വീകരിക്കണമെന്നും ചെമ്ബേരി ലൂര്‍ദ്മാതാ ഫൊറോന വികാരി റവ. ഡോ.ജോര്‍ജ് കാഞ്ഞിരക്കാട്ട്. കത്തോലിക്കാ കോണ്‍ഗ്രസ് ഫൊറോന കമ്മിറ്റി രൂപീകരണയോഗം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ഫൊറോന പ്രസിഡന്‍റ് ഏബ്രഹാം ഈറ്റക്കല്‍ അധ്യക്ഷത വഹിച്ചു. ഫൊറോന ഡയറക്‌ടര്‍ ഫാ. നോബിള്‍ ഓണംകുളം തെരഞ്ഞെടുപ്പ് നടപടികള്‍ നിയന്ത്രിച്ചു.അതിരൂപത സെക്രട്ടറി അഡ്വ. ബിനോയ് തോമസ്, ജിമ്മി ഐത്തമറ്റം, ഏബ്രഹാം തോണക്കര, ബാബു ആക്കാട്ടില്‍, ജോണി മലേകുടിയില്‍, സെബാസ്റ്റ്യന്‍ മാത്യു, ബിജു മണ്ടലത്തില്‍, സാജന്‍ ഇരുപ്പക്കാട്ട്, ഷാജു കുര്യന്‍ എന്നിവര്‍ പ്രസംഗിച്ചു. ഭാരവാഹികള്‍: ജിമ്മി ഐത്തമറ്റത്തില്‍-പ്രസിഡന്‍റ്, ബാബു ആക്കാട്ടില്‍-ജനറല്‍ സെക്രട്ടറി, ഏബ്രഹാം തോണക്കര, വത്സമ്മ ഈറ്റക്കല്‍-വൈസ് പ്രസിഡന്‍റുമാര്‍, ഷാജു വടക്കേല്‍-ജോയിന്‍റ് സെക്രട്ടറി, ജോണി മലേകുടിയില്‍-ട്രഷറര്‍. 21 അംഗ എക്സിക്യൂട്ടീവ് കമ്മിറ്റിയെയും തെരഞ്ഞെടുത്തു.
ചെറുപുഴ: കന്യാസ്ത്രികളെ അധിക്ഷേപിച്ച നടപടിയെ കത്തോലിക്ക കോണ്‍ഗ്രസ് ചെറുപുഴ ഫൊറോന കൗണ്‍സില്‍ യോഗം അപലപിച്ചു. കുറ്റക്കാര്‍ക്കെതിരെ നടപടി സ്വീകരിക്കണമെന്ന് യോഗം ആവശ്യപ്പെട്ടു. ഫാ. ജോര്‍ജ് വണ്ടര്‍കുന്നേല്‍ അധ്യക്ഷത വഹിച്ചു. ഫാ. ജോസഫ് തേനമ്മാക്കല്‍, ബേബി നെട്ടനാനിക്കല്‍, വര്‍ഗീസ് പള്ളിച്ചിറ, എം.എം. ജോസ്, ജെ. സെബാസ്റ്റ്യന്‍ എന്നിവര്‍ പ്രസംഗിച്ചു. പുതിയ ഭാരവാഹികളായി ജെ. സെബാസ്റ്റ്യന്‍-പ്രസിഡന്‍റ്, രാജു കാരക്കാട്ടില്‍ -ജനറല്‍ സെക്രട്ടറി, ജസ്റ്റിന്‍-ട്രഷറര്‍, ടോമി പനക്കപ്പള്ളി-വൈസ് പ്രസിഡന്‍റ്.
കരുവഞ്ചാല്‍: മലയാളിയടക്കമുള്ള കത്തോലിക്ക സന്യാസിനിമാരെ ട്രെയിന്‍ യാത്രയ്ക്കിടയില്‍ അവഹേളിക്കാനും കള്ളക്കേസില്‍ കുടുക്കാനും ചിലര്‍ നടത്തിയ ശ്രമത്തെ എകെസിസി കരുവഞ്ചാല്‍ യൂണിറ്റ് അപലപിച്ചു. യൂണിറ്റ് പ്രസിഡന്‍റ് വര്‍ക്കി പാഴൂത്തടത്തില്‍ അധ്യക്ഷത വഹിച്ചു. ജോര്‍ജ് വില്ലന്താനത്ത്, ജിമ്മി നരിവേലില്‍, ജോസ് പവ്വത്ത് എന്നിവര്‍ പ്രസംഗിച്ചു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു