ഇരിട്ടി: അഗ്നിരക്ഷാ സേനയുടെ നേതൃത്വത്തില് എരുതുകടവ് ഓര്ത്തഡോക്സ് ദേവാലയ പാരീഷ് ഹാളില് അഗ്നിരക്ഷാ ബോധവത്കരണ ക്യാമ്ബ് നടത്തി. വികാരി ഫാ. ജിബിന് കുര്യാക്കോസ് ഉദ്ഘാടനം ചെയ്തു. പി.എസ്. അഭിജിത്ത് അധ്യക്ഷത വഹിച്ചു. ഉളിക്കല് പഞ്ചായത്തംഗം ടോമി മൂക്കനോലില്, തോമസ് കായംകാട്ടില്, ജോഷി ചക്കുളിക്കല്, ബാബുരാജ് മട്ടന്നൂര്, അനുജ റോയി
എന്നിവര് പ്രസംഗിച്ചു. ഫയര് ആന്ഡ് റസ്ക്യൂ ടീമംഗങ്ങളായ പി. സന്ദീപ്, വിഷ്ണു പ്രകാശ്, ബെന്നി ദേവസ്യ, ജോര്ജ് തോമസ്, സിവില് ഡിഫന്സ് അംഗളായ ഡോളമിന്, പ്രബീഷ്, അരുണ് തുടങ്ങിയവര് ക്ലാസുകള്ക്കും പരിശീലനങ്ങള്ക്കും നേതൃത്വം നല്കി.വിവിധ തരം അപകടങ്ങളില് നിന്ന് രക്ഷനേടുന്നതിനുള്ള പ്രായോഗിക പരിശീലനം, വീടുകളില് ഉണ്ടാകുന്ന അപകടങ്ങള്, കുട്ടികളില് അശ്രദ്ധ കൊണ്ടുണ്ടാകുന്ന അപകടങ്ങള് തരണം ചെയ്യല്, പ്രഥമശ്രുശ്രൂഷ തുടങ്ങിയ പ്രായോഗിക പരിശീലനം കുട്ടികള്ക്കും നാട്ടുകാര്ക്കും നവ്യാനുഭവമായി.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു