കോവിഡ് പെരുമാറ്റച്ചട്ടം അനുസരിച്ചുള്ള തെരഞ്ഞെടുപ്പായതിനാല്‍ ഉദ്യോഗസ്ഥര്‍ക്ക് പിപിഇ കിറ്റ്, ഫേസ് ഷീല്‍ഡ്, മാസ്‌ക്, സാനിറ്റൈസര്‍, ഗ്ലൗസ് തുടങ്ങിയ കോവിഡ് സുരക്ഷാസംവിധാനങ്ങള്‍ ഏര്‍പ്പെടുത്തിയിട്ടുണ്ട്.പോളിംഗ് സ്റ്റേഷനിലേക്ക് തെര്‍മല്‍ സ്‌കാനറും ലഭ്യമാക്കും. ഉദ്യോഗസ്ഥര്‍ക്ക് കൊടുക്കുന്നതിനുപുറമെ ഓരോ ബൂത്തിലും അഞ്ചു ലിറ്റര്‍ സാനിറ്റൈസറും ഏര്‍പ്പെടുത്തിയിട്ടുണ്ട്. പോസ്റ്റല്‍ ബാലറ്റ് സംബന്ധമായ സാമഗ്രികള്‍ ബന്ധപ്പെട്ട റിട്ടേണിംഗ് ഓഫീസര്‍മാരും ബൂത്തിലേക്കാവശ്യമായ സാമഗ്രികള്‍ അതത് ഇആര്‍ഒ മാരുമാണ് കൈകാര്യം ചെയ്യുക.ആര്‍ഒ, എആര്‍ഒ, മൈക്രോ ഒബ്സര്‍വര്‍, സോണല്‍ സ്‌ക്വാഡ്, പോസ്റ്റല്‍ ബാലറ്റ് ടീം, പോളിംഗ് ചുമതലയുള്ള ഉദ്യോഗസ്ഥര്‍, ഡ്രൈവര്‍മാര്‍ എന്നിവര്‍ക്കുള്ള കോവിഡ് കിറ്റ്, വോട്ടര്‍മാര്‍ക്കുള്ള സാനിറ്റൈസര്‍, ആബ്സന്‍റീ വോട്ടര്‍മാര്‍ക്കുള്ള ഫോറം, ആബ്സന്‍റീവോട്ടര്‍മാര്‍ക്കുള്ള ഫോറം, സ്റ്റാറ്റ്യൂട്ടറി, നോണ്‍ സ്റ്റാറ്റ്യൂട്ടറി ഫോറങ്ങള്‍, എക്സ്പെന്‍ഡിച്ചര്‍ ഫോറവും രജിസ്റ്ററുകളും, കൈപ്പുസ്തകങ്ങള്‍, സീലുകള്‍, ടാഗുകള്‍, തെരഞ്ഞെടുപ്പ് പോസ്റ്ററുകളും ബ്രോഷറുകളും, വോട്ടേഴ്സ് സ്ലിപ്, കവറുകള്‍ തുടങ്ങിയവ ബന്ധപ്പെട്ടവര്‍ക്ക് നേരത്തെ എത്തിച്ചിരുന്നു.
പെന്‍സില്‍, സ്റ്റാമ്ബ് പാഡ്, പേന, പേപ്പര്‍ പിന്‍, പശ, തീപ്പെട്ടി, ബ്ലേഡ്, വെളുത്ത നൂല്‍, കോട്ടണ്‍, മഷി, മെഴുകുതിരി, റബര്‍ ബാന്‍ഡ്, സെല്ലോ ടാപ്പ്, മോക് പോളിനുള്ള എന്‍വലപ്പുകള്‍, മെറ്റല്‍ റൂളര്‍ തുടങ്ങിയവയാണ് മറ്റു സാമഗ്രികള്‍. തളിപ്പറമ്ബ്, കണ്ണൂര്‍, തലശേരി, ഇരിട്ടി താലൂക്കുകളിലായി 3137 ബൂത്തുകളാണുള്ളത്. പയ്യന്നൂര്‍ -268, തളിപ്പറമ്ബ് -318, ഇരിക്കൂര്‍ -298, കല്യാശേരി -282, അഴീക്കോട് -279, കണ്ണൂര്‍ -262, ധര്‍മടം -298, തലശേരി-263, കൂത്തുപറമ്ബ് -298, മട്ടന്നൂര്‍ -295, പേരാവൂര്‍ -276 എന്നിങ്ങനെയാണ് മണ്ഡലം തിരിച്ചുള്ള ആകെ ബൂത്തുകളുടെ എണ്ണം.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു