കാല്‍ കഴുകിയും കാല്‍ പിടിച്ചും ഇ. ശ്രീധരന് വരവേല്‍പ്; വ്യാപക വിമര്‍ശനം

പാലക്കാട്: ബി.ജെ.പി സ്ഥാനാര്‍ത്ഥി ഇ. ശ്രീധരന്‍റെ തെരഞ്ഞെടുപ്പ് പ്രചാരണ ചിത്രങ്ങള്‍ക്കെതിരെ വ്യാപക വിമര്‍ശനം. ഇ. ശ്രീധരന് ഏര്‍പ്പെടുത്തുന്ന സ്വീകരണങ്ങളില്‍ മാലയിട്ട് സ്വീകരിക്കുന്നതിന് പുറമെ കാല്‍ കഴുകി സ്വീകരിക്കുന്നതാണ്. മുട്ടുകുത്തി വണങ്ങുന്നതും കാല്‍ തൊട്ട് തൊഴുന്നതും നമസ്ക്കരിക്കുന്നതുമായ ചിത്രങ്ങളും വ്യാപകമായ വിമര്‍ശനത്തിന് ഇടയാക്കുന്നു.

സവര്‍ണമനോഭാവമാണ് കാല്‍പിടിച്ച്‌ തൊഴുന്ന ചിത്രങ്ങളിലൂടെ വ്യക്തമാകുന്നത് എന്നാണ് ആരോപണം. മാംസം കഴിക്കുന്നവരെ തനിക്ക് ഇഷ്ടമല്ലെന്ന ഇ. ശ്രീധരന്‍റെ പ്രസ്തവാന വിവാദങ്ങള്‍ക്കിടയാക്കിയിരുന്നു.