സർവേഫലങ്ങൾ തള്ളിക്കളയണം - രമേശ് ചെന്നിത്തല

കേരളത്തിലെ ജനങ്ങൾ ഭരണമാറ്റം ആഗ്രഹിക്കുകയാണെന്നും സർവ്വേ ഫലങ്ങൾ തള്ളിക്കളയണമെന്നും പ്രതിപക്ഷ നേതാവ് രമേശ് ചെന്നിത്തല പറഞ്ഞു. കണ്ണൂർ നിയോജക മണ്ഡലം യു.ഡി.എഫ് സ്ഥാനാർഥി സതീശൻ പാച്ചേനിയുടെ തിരഞ്ഞെടുപ്പ് പ്രചരണാർഥം സംസാരിക്കുകയായിരുന്നു അദ്ദേഹം. ജനഹിതം തകർക്കാൻ യു.ഡി.എഫ്. അനുവദിക്കില്ലെന്നും വ്യാജന്മാർ ഉൾപ്പെടുന്ന വോട്ടർപ്പട്ടികയനുസരിച്ച് വോട്ടിങ്‌ നടക്കില്ലെന്നും തിരഞ്ഞെടുപ്പ് കമ്മീഷനിൽ യു.ഡി.എഫിന് വിശ്വാസമുണ്ടെന്നും അദ്ദേഹം പറഞ്ഞു. 

ശബരിമല യു.ഡി.എഫിന് തിരഞ്ഞെടുപ്പ് വിഷയമല്ല. എന്നാൽ യു.ഡി.എഫ്. അധികാരത്തിൽ വന്നാൽ ശബരിമല വിഷയത്തിൽ നൂറ് ദിവസത്തിനകം പ്രത്യേക നിയമനിർമാണം നടത്തുമെന്നും ചെന്നിത്തല പറഞ്ഞു. പി.സി. അഹമ്മദ് കുട്ടി അധ്യക്ഷത വഹിച്ചു. മുണ്ടേരി ഗംഗാധരൻ, അബ്ദുൾറഹിമാൻ കല്ലായി, സുമാ ബാലകൃഷ്ണൻ, അഡ്വ: ടി.ഒ. മോഹനൻ, സുരേഷ് ബാബു എളയാവൂർ, രജിത്ത് നാറാത്ത്, കെ.സി. മുഹമ്മദ് ഫൈസൽ, കെ.പി. താഹിർ, ലക്ഷ്മണൻ തുണ്ടിക്കോത്ത്, അശ്രഫ് പുറവൂർ, സുധീഷ് മുണ്ടേരി, എം.പി. മുഹമ്മദലി എന്നിവർ സംസാരിച്ചു.