പേരാവൂര്: കാട്ടുപന്നി ഇടിച്ച് ബൈക്ക് യാത്രക്കാരന് പരിക്ക്. ആലച്ചേരി സ്വദേശി ഗോഡ്ഫ്രയ്ക്കാണ് പരിക്കേറ്റത്. വ്യാഴാഴ്ച രാവിലെ ഏഴോടെയായിരുന്നു സംഭവം. സ്വകാര്യ ബസില് കണ്ടക്ടറായ ഗോഡ്ഫ്ര ജോലിക്കായി പോകുന്നതിനിടെ കോളയാട് കള്ളുഷാപ്പിനു സമീപത്ത് വച്ചാണ് ഇദ്ദേഹം സഞ്ചരിച്ച ബൈക്കില് കാട്ടുപന്നി ഇടിച്ചത്. തുടര്ന്ന് കൂത്തുപറമ്ബ് ആശുപത്രിയില് ചികിത്സതേടിയ ഇദ്ദേഹം തിരികെ വീട്ടിലെത്തുകയായിരുന്നു. പിന്നീട് അസഹ്യമായ വേദനയെ തുടര്ന്നാണ് വീണ്ടും പേരാവൂര് താലൂക്ക് ആശുപത്രിയില് എത്തിയത്.തുടര്ന്ന് നടത്തിയ വിശദമായ പരിശോധനയിലാണ് ആറ് വാരിയെല്ലുകള്ക്കും ഷോള്ഡറിനും പൊട്ടലുള്ളതായി കണ്ടത്തിയത്. നാലുമാസത്തെ വിശ്രമമാണ് ഡോക്ടര്മാര് നിര്ദേശിച്ചിട്ടുള്ളത്. കാട്ടുപന്നിശല്യം കാരണം ഈ മേഖലയില് ബൈക്ക് യാത്ര സാധ്യമല്ലാത്ത അവസ്ഥയിലായിരിക്കുകയാണ്. കഴിഞ്ഞ ആഴ്ച വാരപ്പീടികയില് മറ്റൊരു ബൈക്ക് യാത്രക്കാരനും കാട്ടുപന്നിയിടിച്ച് പരിക്കേറ്റിരുന്നു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു