ന്യൂഡല്ഹി: രാജ്യത്തെ ബാങ്കുകളിലെ ഓട്ടോ ഡെബിറ്റ് സംവിധാനം തല്ക്കാലത്തേക്ക് തടസപ്പെടില്ല. 5000 രൂപക്ക് മുകളിലുള്ള ഇടപാടുകള്ക്ക് ഉപഭോക്താക്കളുടെ മുന്കൂര് അനുമതി തേടണമെന്ന ഉത്തരവ് നടപ്പാക്കുന്നത് ആര്.ബി.ഐ നീട്ടിവെച്ചു. സെപ്തംബര് 30 വരെയാണ് ഉത്തരവ് നീട്ടിവെച്ചത്.
നേരത്തെ ഏപ്രില് ഒന്ന് മുതല് പുതിയ ഉത്തരവ് നടപ്പാക്കണമെന്നായിരുന്നു ആര്.ബി.ഐ നിര്ദേശം. ഇതുപ്രകാരം നെറ്റ്ഫ്ലിക്സ്, ആമസോണ് പ്രൈം, ടെലികോം സേവനദാതാക്കള്, മ്യൂച്ചല്ഫണ്ട് കമ്ബനികളുടെയെല്ലാം ഇടപാടുകള് എന്നിവയെല്ലാം തടസപ്പെടുമായിരുന്നു. ആര്.ബി.ഐയുടെ പുതിയ നീക്കത്തെ ബാങ്കുകള് എതിര്ത്തതാണ് പ്രശ്നങ്ങള് സൃഷ്ടിച്ചത്.പ്രായോഗിക ബുദ്ധിമുട്ടുകള് ചൂണ്ടിക്കാട്ടിയായിരുന്നു ബാങ്കുകളുടെ എതിര്പ്പ്. ഏപ്രില് ഒന്നിന് നടക്കേണ്ട ഇടപാടിന് ബാങ്കുകള് അക്കൗണ്ട് ഉടമകള്ക്ക് അറിയിപ്പ് നല്കാതിരുന്നതും പ്രതിസന്ധിയായിരുന്നു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു