കണ്ണൂര്‍: ഇന്ധനവില വര്‍ധിപ്പിച്ച്‌ മോട്ടോര്‍ മേഖലയിലെ തൊഴിലാളികളുടെ ജീവിതം ദുരിതപൂര്‍ണമാക്കുന്ന കേന്ദ്ര സര്‍ക്കാര്‍ നടപടി അവസാനിപ്പിക്കണമെന്ന് മോട്ടോര്‍ തൊഴിലാളി ഫെഡറേഷന്‍ (ഐഎന്‍ടിയുസി) കണ്ണൂര്‍ ജില്ലാ കണ്‍വന്‍ഷന്‍ ആവശ്യപ്പെട്ടു. വര്‍ധിപ്പിച്ച നികുതിയില്‍ സംസ്ഥാന സര്‍ക്കാര്‍ ഗണ്യമായ കുറവുവരുത്തി മോട്ടോര്‍ വ്യവസായത്തെ സംരക്ഷിക്കാന്‍ തയാറാകണമെന്നും യോഗത്തില്‍ അഭിപ്രായം ഉയര്‍ന്നു. കണ്‍വന്‍ഷന്‍ കെപിസിസി ജനറല്‍ സെക്രട്ടറി മാര്‍ട്ടിന്‍ ജോര്‍ജ് ഉദ്ഘാടനം ചെയ്തു.എ.പി.രവീന്ദ്രന്‍ അധ്യക്ഷത വഹിച്ചു. തൊഴിലാളികള്‍ക്കുള്ള ഐഡന്‍റിറ്റി കാര്‍ഡ് വിതരണം ഐഎന്‍ടിയുസി ജില്ലാ പ്രസിഡന്‍റ് വി.വി. ശശീന്ദ്രന്‍ നിര്‍വഹിച്ചു. ദേശീയ പ്രവര്‍ത്തക സമിതി അംഗം ജോസ് ജോര്‍ജ് പ്ലാത്തോട്ടം, കെ.സി. കരുണാകരന്‍, പി. ജനാര്‍ദ്ധനന്‍, എം.കെ.രവീന്ദ്രന്‍, എ.എന്‍. രാജേഷ്, രാജീവന്‍ കുന്നത്, ഗുരുദാസന്‍ എന്നിവര്‍ പ്രസംഗിച്ചു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു