ചാവശേരി: മട്ടന്നൂര് പോലീസ് സ്റ്റേഷന് പരിധിയില് വീണ്ടും മോഷണം. പണം അടങ്ങിയ മേശവലിപ്പ് അടക്കം എടുത്ത് കൊണ്ടുപോയി. നടുവനാട് കാളാന്തോട് കള്ളുഷാപ്പിന് സമീപത്തെ പി.സജീവന്റെ പലചരക്ക് കടയിലും നടുവനാട് ടൗണിലെ ഒരു ഹോട്ടലിലുമാണ് മോഷണം നടന്നത്.
സജീവന്റെ കടയില് നിന്ന് 2000 രൂപയോളമാണ് മോഷണം പോയത്.കടയുടെ പൂട്ടുപൊളിച്ച് അകത്തുകയറിയ മോഷ്ടാവ് പണം സൂക്ഷിച്ച മേശവലിപ്പ് അടക്കം എടുത്ത് കൊണ്ടുപോകുകയായിരുന്നു. നടുവനാട് ടൗണിലെ ടി.മുഹമ്മദിന്റെ ടി.എം.ടി സ്റ്റാളിന്റെ പൂട്ട് പൊളിച്ചു അകത്ത് കയറിയെങ്കിലും ഒന്നും നഷ്ടമായില്ല.കടയുടെ പൂട്ട് അടക്കം മോഷ്ടാക്കള് കൊണ്ടു പോയി. മോഷണ വിവരം നല്കിയതിനെ തുടര്ന്നു മട്ടന്നൂര് പോലീസ് സ്ഥലത്തെത്തി അന്വേഷണം നടത്തി. സമീപത്തെ സിസിടിവി കാമറ അടക്കം പരിശോധിച്ചു വരികയാണ്.
മോഷണം നടന്ന കടകള് വ്യാപാരി വ്യവസായി ഏകോപന സമിതി ജില്ലാ സെക്രട്ടറി എ.സുധാകരന് സന്ദര്ശിച്ചു. മോഷണം വ്യാപകമാകുന്ന സാഹചര്യത്തില് പോലീസ് നൈറ്റ് പട്രോളിംഗ് ശക്തമാക്കണമെന്ന് സുധാകരന് പറഞ്ഞു. രണ്ടാഴ്ച മുമ്ബ് മട്ടന്നൂര് നഗരത്തിലെ മൂന്ന് കടകളില് മോഷണം നടന്നിരുന്നു.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു