പയ്യന്നൂര്: ജൈവഭൂമി നാച്വറല് ഫാര്മേഴ്സ് സൊസൈറ്റിയും പയ്യന്നൂര് കോളജ് എന്എസ്എസ് യൂണിറ്റും സംഘടിപ്പിക്കുന്ന വിത്തുത്സവത്തിന് പയ്യന്നൂരില് തുടക്കമായി. രാവിലെ 10 മുതല് വൈകുന്നേരം 6.30 വരെ വിത്തുകളുടെ പ്രദര്ശനവും വില്പനയുമായി നടത്തുന്ന വിത്തുത്സവം 14ന് വൈകുന്നേരം സമാപിക്കും.
പയ്യന്നൂര് നഗരസഭ ചെയര്പേര്സണ് കെ.വി.ലളിത വിത്തുത്സവം ഉദ്ഘാടനം ചെയ്തു. വാര്ഡ് കൗണ്സിലര് മണിയറ ചന്ദ്രന് വിത്ത് കൈമാറ്റം ചെയ്തു. ജൈവഭൂമി ചെയര്മാന് പി.പി.രാജന് അധ്യക്ഷത വഹിച്ചു.പയ്യന്നൂര് കോളജ് ഐക്യുഎസി കോ-ഒാര്ഡിനേറ്റര് ഡോ. വി.എം.സന്തോഷ്, ഫാ. ശ്രുധിന് കപ്പൂച്ചിന്, ടി.പി. പത്മനാഭന്, കെ.വി.പത്മനാഭന്, എം.പി. കുഞ്ഞിക്കൃഷ്ണന്, കുര്യാച്ചന് രാജഗിരി, കരുണാകരന് പനങ്ങാട്, വി.സി. വിജയന്,കെ.പി. വിനോദ്, എം.പി.ഉണ്ണിക്കൃഷ്ണന് എന്നിവര് സംസാരിച്ചു. ജൈവകര്ഷകന് കുര്യച്ചന് രാജഗിരി വിത്ത് പൊതികെട്ടല് ഡെമോണ് സ്ട്രേഷന് നടത്തി.
പയ്യന്നൂര് പോലീസ് സ്റ്റേഷനു പിറകില് ജൈവഭൂമി കര്ഷകന്റെ കട പരിസരത്ത് തയാറാക്കിയ വിത്തുപുരയിലാണ് വിത്തുത്സവം സംഘടിപ്പിച്ചിരിക്കുന്നത്. മുള്ളന് കിഴങ്ങ്, ഗന്ധകശാല കാച്ചില്, കടുവാക്കയ്യന്, പരിച കോടന്, പൂക്കിഴങ്ങ്, അടതാപ്പ്, നൂറക്കിഴങ്ങ് തുടങ്ങി 26 ഇനം കാച്ചിലുകള് വിത്തുത്സവത്തിലുണ്ട്. മക്കളെപ്പോറ്റി,
ആറന്മുള കണ്ണന് ചേമ്ബ് തുടങ്ങി 10 ഇനം ചേമ്ബുകളും കരിമഞ്ഞള്, കസ്തൂരി മഞ്ഞള്, ഇസ്രയേല്, സിലോണ് മഞ്ഞള് എന്നിങ്ങനെ 20 ഇനം മഞ്ഞളുകളും കരി ഇഞ്ചി, റെഡ് ഇഞ്ചി, മാരന് എന്നിങ്ങനെ ഇഞ്ചികളും വിത്തുപുരയിലുണ്ട്.
Post a Comment
താഴെ നൽകുന്ന അഭിപ്രായം കണ്ണൂരാൻ വാർത്തയുടേത് അല്ല വ്യക്തി അഭിപ്രായങ്ങൾ അവരുടെ കാഴ്ചപ്പാട് ആണ് മതസ്പർദ്ധക്ക് ഇടയാക്കുന്ന അശ്ലീലപദപ്രയോഗങ്ങൾ എന്നിവ ഒഴിവാക്കി വാർത്തയിലെ അഭിപ്രായങ്ങൾ സുതാര്യമായി നൽകണം എന്ന് അറിയിക്കുന്നു